Read lango Jeremia 21 Bible Online

Jeremia 21 - lango bible

Jeremia 21

¹Man en kop ame Rwot okobo baŋ Jeremia i kare ame abaka Jedekia ocwao baŋ Packur wot a Malkia kede Jepania alamdog wot a Maceya, kun cikogi ni,

²“Penya Rwot pirwa, pien Nebukadnejar, abaka me Babulon amito cako lweny kedwa. Atot onyo ca Rwot bino timo tano moro me awura pirwa, te miyogi ya dokoko cen, kun oweko lweny kedwa.”

³Jeremia te kobbi jo ame onwoŋo ocwao baŋe ni,

⁴“Wot ikobbi wunu Jedekia ni Rwot okobo ni ebino wiro jami lweny luŋ ame tye i ciŋ monnyere luŋ ame itye ka lweny wunu kede abaka me Babulon, kede jo Kaldaya ame doŋ tye ka gurowu oko-ni i ŋe cel oko. Abino coko jami okworwu luŋ karacel i dye boma,

⁵An ikoma abino lweny kedwu, kun atio i tekona luŋ, ame akemo kede iniga omio ager calo eŋatu.

⁶Abino neko jo kede leyi luŋ ame bedo i boma man; abino miyo twon two edeke arac meicel en ame nek ogi.

⁷Icennere abino miyo Jedekia abaka me Juda karacel kede omiro mere, dok jo ame bedo i boma man ame obwot i two edeke, kec kede pala romo, i cin abaka Nebukadnejar, abaka me Babulon, kede i cin okworgi ame mito nekogi aneka. En bino nekogi oko i pala lweny, Kica mom bino maka i komgi, mom abino paro pirgi kadi acel dok mom abino wekogi.”

⁸Rwot dok te ciko Jeremia me kobbi lwak ni, “Nen ba, an a Rwot atyeko miyowu twero me yero yo me kwo kede ame tero dano i to.

⁹Ŋat ame bino bedo i boma obino ŋe ko oko i pala i lweny, ka mom oto i lweny, kec en abino neko onyo to edeke. Cite ŋat ame bino donyo oko te wot miye kene baŋ jo Kaldaya, ame tye aguro boma-ni i ŋe ŋel oko, dano-nono bino kwo, kwo mere bino bedo baŋe calo mot me lweny.

¹⁰Pien an Rwot atyeko ci ko waŋa doŋ oko i kom boma man, me timo iye gin arac, mom ginnoro aber. Abino miyo boma man oko i ciŋ abaka me Babulon ame bino waŋo oko kede mac.

¹¹“Kobbi jo me ot abaka me Juda ni myero owiny koppa an Rwot,

¹²kobbigi ni gin jo me ot a Daudi myero, “Oŋol kop atira nino i nino, dok olar jo i ciŋ jo ame wunogi, olar ŋat ame omao jami mere, naka mio akemona lyel i komgi calo mac, te lyel ame nauoro mom romo neko, pi timgi areco.”

¹³“Nen ba, an atye i kop i komwu, wun jo ame bedo i luŋ, naka yin kidi ame tye i bar. Man kop a Rwot okobo. Wun jo ame ikobo wunu ni, ‘Ŋa ame bino bino piny me bino lweny i ko mwa, onyo ni ŋa ame bino donnyo kan ame wan obedo iye?’

¹⁴Abino keto can i komwu, kun lubere i gin ame itimo wunu. Man kop a Rwot okobo. Abino cwinyo mac i bomawu luŋ, ame bino waŋo ginnoro luŋ ame tye i ŋete.”