Read lango Jeremia 43 Bible Online

Jeremia 43 - lango bible

Jeremia 43

¹I kare ame Jeremia doŋ otyeko kobo kop luŋ baŋ lwak ame ocokere, kop ame Rwot Obaŋagi oore me kobo baŋgi,

²Ajaria wot a Kocaya kede Yokanan wot a Karea kede wegi apala luŋ te kobbi Jeremia ni, “Yin itye ka kobo kop me goba lo-ni, Rwot Obaŋani mom okobo ni ibin ikob ni, ‘Kur iwot ibed wunu i Miciri’;

³ento Baruk wot a Neria en ocupi me ko bo kop arac i komwa, me imiwa i ciŋ jo Kaldaya, me gin onekwa onyo oterwa oko i Babulon acalo opii.”

⁴Mannono te mi yo Yokanan wot a Karea kede odoŋe me mony kwero winyo kop a Rwot oko, mom ote ye bedo i lobo me Juda.

⁵Ento Yokanan wot a Karea kede odoŋe me mony luŋ te kwanyo jo me Juda luŋ ame odoŋ ame onwoŋo odwogo me bino bedo iye, kun odwogo i akina rok apapat ame rik oryemogi, oterogi iye,

⁶co, mom, itino karacel kede anyira abaka. Gin otero jo luŋ ame rik Nabujaradan, adwoŋ ame onwoŋo loo ogwok abaka me Babulon, onwoŋo oweko baŋ Gedalia wot Akikam, ame obedo wot a Capan. Otero daŋ Jeremia kede Baruk wot a Neria.

⁷Gin te wot naka i lobo me Miciri, pien gin rik okwero winyo kop a Rwot oko. Gin owoto i kabedo ame olwoŋo ni Tapanec.

⁸Kare ame gin tye i Tapanec, Rwot te kobbi Jeremia ni,

⁹“Kwany gweŋe mogo adoŋodoŋo i ciŋi, kun jo Juda tye aneno. Wot ikan oko ite lobo ame omwono i akina gweŋe ame ocano i yo ame odonyo kede i paco abaka me Miciri ame tye i Tapanec kuno.

¹⁰Kobbi jo Juda ni, ‘Rwot me mony ame obedo Obaŋa a jo Icrael okobo ni, Nen ba, abino cwayo amirona Nebukadnejar, abaka me Babulon, abino cibo i wi kom loc i lobo man, i wi gweŋ ame ayiko piny kan-ni, en bino yero kema me loccere i wigi.

¹¹En abino me bino loyo lobo me Miciri. Can bino bedo apek meicel i kom jo Miciri, pien jo mogo ame oyiko ni bino to i too edeke, bino to i loo edeke, jo ocele ame oyiko ni myero ter iyi opii, obino tero oko acalo opii; jo ame myero to i pala lweny bino to i pala lweny.

¹²En bino moko mac i kom udi me woro kit obaŋe mogo apapat ame tye i Miciri, bino wano cal obaŋegi oko onyo bino tino mogo woto kedgi oko. En bino kwanyo jami areco oko i lobo me Miciri odoco kite ame akwatyero kede on yo go i kom boŋo mere, bino ya gire i Miciri te wot i kuc, aboŋo ginnoro ame ogude.

¹³En bino muko kidi ame ocibo me awora ame tye i Eliopolic, i lobo me Miciri, dok bino wano udi woro obaŋe mogo ocele me Miciri oko kede mac’.”