Read lango Jeremia 44 Bible Online

Jeremia 44 - lango bible

Jeremia 44

¹Rwot okobbi Jeremia kop i kom Ojudaya ame onwoŋo bedo i lobo me Miciri, i Migdol, i Tapanec, Mempic kede i Patroc, Rwot okobo ni,

²“Rwot me mony, ame obedo Obaŋa a jo Icrael okobo ni wun doŋ ityeko neno wunu gin areco luŋ ame amio opoto i kom Jerucalem kede i kom boma luŋ me Juda, Nen ba, kare-ni kuno pwod tye calo wi obur, aboŋo ŋattoro ame bedo iye,

³pien gin arac ame gin otimo, omio akemo omaka. Gin obedo wot wano gin a ŋwece kur baŋ obaŋe mogo ocele kun daŋ otio baŋgi, obaŋe mogo ame kadi gin onyo kwarigi yam mom oŋeo.

⁴Abebo cwayo baŋgi odwarpiny ame gin omirona tere tere, kun rabbigi ni, ‘Tim wunu ber kur itim wunu tim me ipyeda-ni ame an adago-ni!’

⁵Cite gin gigi ote kwero winyo oko, mom ociko yitgi me winyo koppa, me olokere owek timo gin arac, dok daŋ owek waŋo gin a ŋwece kur baŋ obaŋe mogo ocele.

⁶Mannono omio rik ate coro akemona kede inigana i komgi, ate miyo lyeto atek meicel i boma me Juda, kede i dye gudo luŋ ame tye i Jerucalem, ate miyo doŋ oko kene acalo wi obur kit ame tye kede naka tinni.

⁷“Aman doŋ Rwot me mony ame obedo Obaŋa a jo Icrael okobo ni, Piŋo kara itye ka timo wunu twon tim arac meicel-li i komwu kenwu. Wun imito wunu kelo can i kom mon kede co, i kom itino kede i kom itino a pwod toco, me ŋattoro kur doŋ i akina jo me turwu?

⁸Piŋo itye ka miyo wunu akemo maka i tic ame itio wunu, wano odok a ŋwece kur baŋ obaŋe ocele i lobo me Miciri ame ibino wunu me bedo iye? Itye ka timo wunu man me ito wunu oko, me rok ame bedo i lobo man bed kobe kop arac i komwu, dok daŋ imito ni nyiŋwu bed me ceno jo?

⁹Wiwu doŋ owil oko ce, i kom tim areco ame kwariwu obedo timo, tim areco ame obakki me Juda obedo timo, tim areco ame mongi obedo timo kede i kom tim areco ame wun ibedo timo wunu kenwu, kede i kom tim areco ame monwu obedo timo, ame gin obedo timo i lobo me Juda kede i dye yo luŋ ame tye i Jerucalem?

¹⁰Gin mom oye mwolle kadi acel tuno naka tin, lworo daŋ mom omakogi, mom daŋ oye lubo cikka kede icwilla ame aketo i nyimwu kede i nyim kwariwu.

¹¹“Pi mannono, Rwot me mony ame obedo Obaŋa a jo Icrael okobo ni, Nen ba, abino ci ko waŋa i komwu me timowu rac, me neko jo Juda ducu.

¹²Jo luŋ ame odoŋ i lobo Juda, ame onwoŋo omoko tamgi me bino i Miciri, gin luŋ abino nekogi oko. Gin bino to i lobo me Miciri kun oto i pala lweny, kec, cakere i kom jo atino tuno kede i kom jo adoŋo, gin luŋ bino to i pala lweny kede kec. Gin obino doko gin me aŋala a jo, gin ame mio jo lworo, dok obino bedo rok ame oceno jo i nyingi, kun jo kobo kop areco i komgi.

¹³Abino keto can i kom jo ame bedo i Miciri, kite ame aketo kede can i kom Jerucalem i pala lweny, kec, kede too edeke.

¹⁴Dano moro me Juda ame odoŋ, ame owoto me wot bedo i Miciri mom bino doŋ kadi acel, moro mom bino bwot akwo, dok moro mom bino dok i lobo me Juda, ame cunygi mito ni kono odok obedo iye; gin gire mom bino dok kuno, kono jo ame oriŋo ayela i lobogi keken en ame bino dok kuno.”

¹⁵Icennere jo ducu ame ŋeo ni mongi onwoŋo obedo yalo obaŋe mogo ocele odok a ŋwece kur, kede mon luŋ ame onwoŋo rik ocuŋ kaci-naca, lwak jo adwoŋ meicel ame onwoŋo ocokere jo luŋ ame bedo i Patroc i lobo me Miciri, te gamo kop a Jeremia ni,

¹⁶“Kop ame ikopo baŋwa, kun ikobo i nyiŋ Rwot, wan mom obino winyo koppi.

¹⁷Cite wan obino timo ginnoro luŋ ame wan okwonere me timo, obino waŋo odok a ŋwece kur baŋ abaka a dako me polo, dok daŋ obino onnye mot me ama ta, kite ame yam otimo, wan karacel kede kwariwa, obakkiwa, kede rwodewa, kite ame otimo kede i boma luŋ me Juda kede i gudo luŋ me Jerucalem, pien i kare-naca rik otye i cam adwoŋ, lonyo daŋ onwoŋo dwon i cinwa, cite naka wan mom oneno ginnoro arac.

¹⁸Cite cakere i kare ame wan oweko wano odok a ŋwece kur baŋ aba ka a dako me po lo onyo mot amata baŋe, jami doŋ te rwenyo oko i cinwa, dok daŋ oto atek i pala lweny kede kec.”

¹⁹Mon te medde i kopgi kun okobo ni, “I kare ame wan otedo ogati i cal abaka a dako me polo, kun owanne odok akur, dok daŋ oonyo mot amata baŋe, cogwa onwoŋo oye, dok daŋ onwoŋo one no gin ame wan otye ka timo.”

²⁰Jeremia te kobo baŋ lwak luŋ, co kede mon, kede jo luŋ ame onwoŋo ogamo koppere kit man ni,

²¹“Kop i kom odok a ŋwece kur ame ibedo wano wunu i boma me Juda, kede i dye gudo me Jerucalem, wun karacel kede kwariwu, obakkiwu kede rwodewu, karacel kede jo ame onwoŋo bedo i lobo-naca, itamo wunu ni Rwot pe obin opo pire? Timwu-naca en rik mom otamo ginnoro iye?

²²Rwot doŋ mom romo kanyo timwu areco kadi acel, kede timmogo me kwer ame ibedo timo wunu. Mannono omio lobowu doŋ calo wi obur, odoŋ nono dok daŋ oceno oko, ŋattoro ame bedo iye mom tye, tuno kede naka tin.

²³Mannono otimere pien wun ibedo waŋo wunu odok akur, dok daŋ ibalo wunu i nyim Rwot kun mom iwinyo wunu kop a Rwot kadi lubo cikkere kede icwillere kede gin ame en ociko, mannono omio gin arac man opoto i komwu kite ame tye kede naka tin.”

²⁴Jeremia okobbi lwak luŋ karacel kede mon luŋ ni, “Winy wunu kop a Rwot, wun jo luŋ me Juda ame itye wunu i Miciri,

²⁵Rwot me mony, ame obedo Obaŋa a jo Icrael okobo ni, wun karacel kede monwu ityeko kobo wunu kede dogwu, ite daŋ cobo wunu gin ame ikobo wunu kede ticwu ni, ‘Wan giwa obino cobo kwonwa ateteni, ame wan doŋ otyeko kwono me wano odok akur baŋ abaka a dako me polo kede me onye mot amata.’ Pi mannono ba, mok wunu kwonwu, dok daŋ iti wunu gin ame ikwoŋo wunu!

²⁶Pi mannono ba, winy wunu kop a Rwot, wunjo luŋ me Juda, ame bedo i Miciri, Nen ba, atyeko kwoŋ oko kede twon nyiŋa adwoŋ meicel. An a Rwot, ni ŋattoro mom dok bino kwon i nyiŋa, dano me Juda ame aman tye i Miciri, kun ko bo ni, ‘Kite acalo Rwot Obaŋa tye kwo-ni.’

²⁷Nen ba, an atye ka ciko waŋa i komgi me timogi rac, mom me timogi ber. Jo luŋ me Juda ame tye bedo i lobo me Miciri, obino neko oko i pala romo, kede kec, tuno wan ame gin otum oko ducu.

²⁸Jo ame bino bwot i lak pala lweny, i Miciri, bino ya dok i lobo me Juda, kun welgi mom pol. Jo me Juda ame rik obino i lobo me Miciri me bino bedo iye, bino ŋeyo kop aŋa ame onwoŋo ateni, ka koppa onyo meggi.

²⁹Man en ame bino bedo anyut ame ibino neno wunu, ni an abino keto can i komwu i kabedo man, me iŋe wunu ni koppa en ame bino bedo kop ateni i komwu pi gin arac ame itimo wunu.

³⁰Rwot me mony okobo ni, Nen ba, abino miyo abaka me Miciri, ame en Kopra, i cin okworrere kede i cin jo ame mito neke, kite ame rik amio kede Jedekia, abaka me Juda i cin Nebukadnejar abaka me Babulon, ame onwoŋo akworrere, dok daŋ onwoŋo tye kede mit me neke.”