Read lango Jeremia 45 Bible Online

Jeremia 45 - lango bible

Jeremia 45

¹I mawka me aŋwen me loc a Yekoyakim, wot a Yocia, abaka me Juda, en ame Baruk wot a Neria ocoo iye kop ame Jeremia okobo baŋe i yore i yore. Adwarpiny Jeremia okobo baŋ Baruk ni,

²“Rwot Obaŋa a jo Icrael okobo kop man baŋi yin Baruk.

³Yin itye ka koko ni, ‘Can i wia doi! Pien Rwot otyeko medo cwercuny i kom rem ame atye kede; Aol doŋ oko i cur, mom atye i kare moro me weo kadi acel.’

⁴“Rwot okobbi Jeremia ni, ‘Wot ikobbi Baruk ni, Nen ba, gin ame yam agero, atye doŋ amumuko oko areto oko piny, gin ame yam apito, aman doŋ acako puputo oko, Abino timo man i lobo ducu.

⁵Yin itye ka yenyo gigi mogo adonodono piri keni? Kur ibed yenyogi ba; nen ba, abino kela can i kom jo luŋ, ento yin abino miyi ibedo kwo, kwoni abino miyi calo mot ame inwoŋo i lweny, i kabedo luŋ ame ibino wot iye. Man kop ame an Rwot ikokome akobo.’ ”