Read lango Ejekeri 14 Bible Online

Ejekeri 14 - lango bible

Ejekeri 14

¹Jo mogo i akina odoŋe me Icrael rik te bino bedo piny i nyima,

²I kare-nono Rwot te kop keda, kun kobo ni,

³“Wot a dano we, joni doŋ tye i cuny me woro calo jogi, omio gin otye ka miyo cal jogi tye ka rwennyogi arwenya me terogi i bal. Gin otye ka tamo ni an abino dokkigi i gin ame gin omito?

⁴Pi mannono ba, yin myero ikob kedgi, ikobbigi kop man ame an Rwot Obaŋa akobo. Dano moro me Icrael keken ame tye kede cuny me woro cal jogi, kun daŋ omio calo jogi tye arwenye arwenya me tere i bal, eka dok te bino me bino penyo odwarpiny, an a Rwot i koma en ame abino bino baŋe me doke i kop man, pien en otimo lwak cal jogi apol meicel me awora mere.

⁵Jogi magi luŋ doŋ otyeko miyo cuny jo Icrael ya oko i koma, ageno ni ka abino gamo kopgi, abino miyo tamgi lokere dwogo i koma.

⁶“Pi mannono ba, kobbi jo me ot Icrael kop man ame an Rwot Obaŋa akobo: Myero iŋut wunu, iwek wunu woro cal jogi, me idwog wunu baŋa. Dok daŋ myero ilokere wunu iwek timo wunu timmogo me kwer, ame ibedo timo wunu,

⁷Pien dano moro keken me ot Icrael, onyo arokkoro ame tye i akina jo Icrael, ame pokere oko keda, cunye te bedo i kom woro cal jogi, kun mio cal jogi rwenye arwenya tere i bal kun an aneno, eka te dok bino baŋ adwarpiny me bino penyo kop i kome baŋa, aŋa Rwot ikome en ame abino gamo koppere.

⁸Abino kwero kit timmere-nono oko ate miyo en bedo anyut ame jo lolo i doggi, kun amio waŋe rwenyo oko i akina jo me turgi. Mannono bino miyo iŋeo wunu ni an a Rwot.

⁹“Ka ce obwolo adwarpinnyoro, te gamo kop gobagoba, mannono nwoŋo an Rwot en ame abwole-nono, Abino ryeyo ciŋ i kom adwarpinnyono, ate neko oko i akina jona Icrael.

¹⁰Adwarpiny karacel kede ŋat ame obino penyo kop i baŋe-ni, can ame abino keto i komgi bino bedo arorom,

¹¹Abino timo man me jo Icrael kur dok rweny kun oya oko i baŋa, dok daŋ kur olille i balloro luŋ ame gin otimo. Ento gin luŋ obedo jona, kun an daŋ abedo Obaŋagi. Man kop ame Rwot Obaŋa okobo.”

¹²Rwot dok te kop keda, kun kobo ni,

¹³“Wot a dano we, ka ce jo me lobo moro otimo bal i koma, kun oturo kede cikka, an abino ryeyo ciŋa, ate miyo cam rwenyo oko iye. Abino miyo kec poto, ame te miyo dano karacel kede leyi to oko iye.

¹⁴Kadi bedjo adekki: Nua, Danieri, karacel kede Yubu rik obedo iye, gin aber ame gin obedo timo, bino miyo gin olaro ka kwogi kengi. Man kop ame Rwot Obaŋa okobo.

¹⁵Ka ce acwao le moro ager me tim ame neko jo oko i lobo-nono, ame te miyo lobo-nono bale odoco ame ŋattoro mom doŋ romo beo iye pi lworo leyi,

¹⁶kadi bed rik jo adek-ki tye kuno, ateteni, kite ame an abedo kede Obaŋa ame kwo-ni, jo-nu onwoŋo romo laro ka kwogi kengi, cite lobonono onwoŋo gire myero doŋ nono aboŋo ŋattoro iye.

¹⁷“Onyo ka ce amio lweny opoto i lobo-nono, kun akobo ni okwor myero be i lobo-nono luŋ, kun oneko jo luŋ iye karacel kede leyi;

¹⁸kadi bed jo-ni adek-ki onwoŋo rik tye kuno, kite acalo an abedo Rwot Obaŋa ame kwoni, joni onwoŋo mom romo laro itinogi, awobe kede anyira, kono ka kwogi kengi.

¹⁹Onyo kadi bed onwoŋo acwalo too edeke i lobo-nono, onyo awuko akemona iye i lwak remo, me neko jo iye luŋ karacel kede leyi.

²⁰Kadi Nua, Danieri kede Yubu onwoŋo tye kunu, kite acalo an atye kwo-ni, jo-ni onwoŋo mom romo laro wodgi moro onyo nyargi moro ame tye kuno, gin onwoŋo oromo laro ka kwogi kengi, pi kitegi arita.

²¹“Pien man en kop ame Rwot Obaŋa okobo: Tye kit can areco aŋwen apapat ame abino cwayo i kom Jerucalem, abino cwayo i komgi to me pala lweny, kec, twoni leyi mogo ager meicel karacel kede too edeke, me neko jo luŋ iye karacel kede leyi.

²²Ka ce ineno wunu ŋattoro obwot iye, me laro itino mere awobe kede anyira, eka gin te bino baŋwu, myero inen gin ame gin tye ka timo. Ibino neno kitegi kede ginnoro luŋ ame gin timo, mom ber kadi acel, mannono bino miyo iye ni can ame abino keto i kom Jerucalem tye kakare.

²³Ibino ye, ka ce ineno kitegi kede gin ame gin timo tye areco meicel; Mannono bino miyo iŋeo ni gin ame atimo, atimo pi te kop ame tye kakare. Man kop ame Rwot Obaŋa okobo.”