Read lango Ejekeri 35 Bible Online

Ejekeri 35 - lango bible

Ejekeri 35

¹Rwot rik dok te kop keda, kun kobba ni

²“Wot a dano we, cak lokere dok irab kop i kom kidi me Ceir,

³kobbi kidi me Ceir kop man ame Rwot Obaŋa okobo ni, ‘Nen ba, an atye i kop i komi, yin kidi me Ceir, dok abino ryeyo ciŋa me lweny i komi, yin Ceir, abino miyi idoko wi obur ame doŋ oballe odoco.

⁴Abino miyo bomani luŋ doŋ yigi nono, yin doŋ ite doko acalo wi obur, mannono bino miyo iŋeo wunu ni an a Rwot.

⁵Pien yin ibedo bedo akwor a jo Icrael nakanaka, ite miyo nekogi oko kede pala lweny, i kare me keto can i komgi, tyen me agikki mere, pi balgi.

⁶Pi mannono ba, kite acalo an a Rwot Obaŋa atye kwo, abino cako yiki pi remo, dok remo bino medde ryemo yori, pien bal tye i komi pi remo, mannono en omio remo bino medde lubo yori.

⁷Abino balo kidi me Ceir oko te doŋ calo wi obur, abino jwero jo luŋ ame tye iye kede en ame bino iye.

⁸Abino miyo kom jo ame oneko radde arada ata i wi kidi, Kom jo ame oneko i pala lweny, bino rette i kabedo luŋ, bino bedo tye i lobo luŋ obedo kidikidi, anaka i luŋ daŋ.

⁹Abino miyi doŋ ibedo calo wi obur nakanaka, ŋattoro mom dok bino bedo bomani moro. Mannono bino miyo iŋeo wunu ni an a Rwot.’

¹⁰“Pien yin ikobo ni, ‘Rok magi aryo kede lobo magi aryo, apapat bino bedo mega, wan obino gamo bedo megwa,’ kadi bed Rwot onwoŋo tye kuno.

¹¹Pi mannono ba, kite acalo an Rwot Obaŋa atye kwo-ni, abino tic kedwu, kun alubo akemo kede nyekowu, kede adagewu i kom jona. Gin bino ŋeyo ni an atye aketo can i komwu pi gin ame wun itimo wunu i komgi.

¹²Mannono bino miyo iŋeo wunu ni an a Rwot. Abedo winyo kop luŋ me apala ame ibedo kobo wunu i kom kiddi me Icrael, ame ibedo kobo wunu ni, Wi kiddi me Icrael doŋ tye acalo wi obur, doŋ otyeko miyo oko me ajwera.

¹³An atyeko winyo kopporo luŋ ame ibedo kobo arac i koma, kede kite ame ibedo wakere kede i koma,

¹⁴Rwot Obaŋa okobo kop man ni: Abino miyi idoko wi obur, me jo i wi lobo luŋ te lelo pi gin otimere.

¹⁵Kite ame yin daŋ ibedo lelo kede i kom Icrael i kare ame odoŋ calo wi obur. An daŋ abino tic kedi kittono, wi kidi luŋ me Ceir kede lobo luŋ me Edom bino doŋ calo wi obur. Mannono bino miyo gin oŋeo ni an abedo Rwot.