Read lango Ejekeri 47 Bible Online

Ejekeri 47 - lango bible

Ejekeri 47

¹Dano-nono dok te dwogo an cen naka i doggola me ot Obaŋa. Nen ba, ate neno pii kun tye amol kun donyo i piny ite doggola me ot Obaŋa mol dok tutuŋ kide, kun ame nyim ot Obaŋa oneno. Pii-nono onwoŋo tye amolo i tutuŋ anyarolum, dok beo i ŋet keno lam i tutuŋ anyarolum.

²Dano-nono te dok kwanya oko i kannono tera oko kun beo keda i dogcel ame tye tutuŋ anyarodi, te tera naka i dogcel ame tye tutuŋ to. Ate nwoŋo pii tye akato oko kun beo i tutuŋ anyarolum.

³Dano-nono te medde i wot anyim kun dok tutuŋ kide ame omako lut me pimo piny i ciŋe. En te pimo pii ame amol yadi mia abic, te miya beo iyi pii-nono. Tut a pii-nono te tuno naka i um coŋa.

⁴En dok te pimo yadi mia abic ocele, pii doŋ, te mwonyo coŋa oko. Kare ame en dok opimo yadi mia abic ocele, pii dok te tuno naka i pyera malo.

⁵En dok te pimo yadi mia abic ocele, pii i kan ame en opimo-nono onwoŋo doŋ tut ame mom aromo beo iye. Pii iye onwoŋo doŋ tut meicel ame mom romo aŋola i tyen, ento mito doŋ kwaŋ akwaŋa.

⁶En te penya ni, “Wot a dano we, ineno man?” Dano-nono dok te dwoka cen i ŋet kulo,

⁷Kare ame atye adok cen, ate bedo neno yen apol meicel i ŋet kulo tuŋŋi kede tuŋŋi.

⁸En te kobba ni, “Pii-ni mol woto tutuŋ kide, otuno naka i Jordan, te wot naka i Nam me kado, Kare ame otuno i Nam me kado, omio pii i nam me kado odoko amit,

⁹kun ame pii i kulo man tye ka mol, kit leyi luŋ ame bedo i pii kede rec bino bedo i iye adwoŋ meicel. Pii man mol woto kuno me wot miyo pii ame tye i Nam me kado bedo amit, dok ka tye ka mol mio kit jami luŋ bedo kwo.

¹⁰Ocik rec te cucuŋa i ŋet nam, ocik rec bino ciko bwogi cakere i Engedi tuno naka i Eneglaim, Kit rec apapat bino nwoŋere iye kite ame tye kede i Nam Adwoŋ.

¹¹Cite pii ame tye i lake luŋ mom bino bedo amit Pii i kaginogo bino bedo me kado.

¹²I ŋet kulonono tuŋŋi kede tuŋŋi, yen apol meicel bino doŋo iye me acama. Potgi mom bino two dok nyiggi daŋ bino bedo tye kare luŋ, kun nyak dwe i dwe, pien pii ame gin omato ya i kabedo acil. Nyiggi bino bedo me acama kun potgi tye acalo me caŋo too.”

¹³Rwot Obaŋa okobo ni, “Magi en waŋ apokki me lobo ame nyuto kite ame myero ipok kede lobo baŋ atekere apar wie aryo me Icrael, kun atekere a Lucepu ipokke mege ame kato me atekere ocele tyen aryo.

¹⁴Rik doŋ atyeko kwoŋ baŋ kwariwu me miyogi lobo man, doŋ lobo man ibino poko i akinawu arorom me bedo megwu.

¹⁵“Man en ame bino bedo waŋ lobo: I tutuŋ anyarodi, cakere i Nam Adwoŋ, i yo ame woto i Ketlon naka i dogcel me Kamat, tuno kede naka i Jedad,

¹⁶Berota, Cibraim, ame tye i waŋ apokki me Damaciko, kede Kamat, wot kede naka i Kajeratikon ame tye i waŋ apokki me Kauran.

¹⁷Man mio waŋ apokki cakere i nam me Kajarenon ame tye tutuŋ kede Kamat anyarodi daŋ. Man en waŋ apokki me tutuŋ anyarodi.

¹⁸“Aco i tutuŋ to, waŋ lobo bino cakere i Kajaraenon ame tye i akina Kauran kede Damaciko, te beo i ŋet kulo Jordan i akina Gilead kede lobo me Icrael wot kede naka i nam ame tye tutuŋ kide, kato kede naka i Tamar. Man en waŋ apokki me tutuŋ kide.

¹⁹“Aco i tutuŋ anyarolum, waŋ lobo bino cakere i Tamar wot kede naka i pii me Meriba-kadec, te beo i ŋet luŋ me Miciri naka i Nam Adwoŋ. Man en waŋ apokki i tutuŋ anyarolum.

²⁰“Aco i tutuŋ to, Nam Adwoŋ en ame bino bedo waŋ apoki naka i kan ame otikere kede Kamat. Man en ame bino bedo waŋ apokki me tutuŋ to.

²¹“Doŋ pi mannono, myero ipok lobo man i akinawu kite ame itekere me Icrael tye kede.

²²Ibino poko lobowu wun ikomwu kede me a jo ocele ame bedo i akinawu ame onywalo itinogi i akinawu. Wun ibino terogi wunu acalo jo Icrael ikokome. Gin daŋ obino pokkigi lobo me bedo meggi i akina atekere me Icrael.

²³Iyi akina atekere moro keken ame gin rok ocele-ni bino bedo iye, yin ibino pokkigi lobo me bedo meggi kuno. Man kop ame Rwot Obaŋa okobo.