Read lango Ejekeri 7 Bible Online

Ejekeri 7 - lango bible

Ejekeri 7

¹Rwot okobo keda, kun kobba ni,

²“Wot a dano we, Rwot Obaŋa okobo kop i kom lobo me Icrael ni: Agikki doŋ ceggi! Agikki doŋ otuno oko, i kabedo luŋ i lobowu.

³Agikki doŋ otuno oko, i komwu, abino doŋ weko akemona tuno oko i komwu, te cako ŋolliwu kop kun lubo gin ame itimo wunu. Abino keto can i komwu pi ginnoro luŋ me kwer ame itimo wunu.

⁴Mom abino koyawu kadi acel, dok mom abino bedo i kica moro i komwu, ento abino keto can i komwu pi gin ame ibedo wunu timo, kun timwu me kwer tye i akinawu. Mannono bino miyo iŋeo wunu ni an a Rwot.”

⁵Rwot Obaŋa okobo ni, “Abino miyo can bino i komwu kun lubere aluba! Nen ba, ocako doŋ bino oko.

⁶Agikki doŋ obino oko, agikki doŋ obino oko; otwarre doŋ oko i komwu. Koŋ inen doŋ tye abino.

⁷Can doŋ obino oko i komwu wun jo ame bedo i lobo-ni. Kare doŋ obino oko, nino mere doŋ ceggi acega, i nino ame woo me yomcuny mom dok bino bedo iye i wi kiddi, kono ka wo me lweny keken.

⁸Aman doŋ aceggi coro akemona i komwu, ate luŋo akemona i komwu luŋ, kun aŋolliwu kop ame poro gin ame itimo wunu. Abino keto can i komwu pi tim me kwer luŋ ame ibedo timo wunu.

⁹Mom abino koyowu kadi acel, dok daŋ kica mom bino maka i komwu. Abino keto can i komwu ame oporo kitewu, kun timwu me kwer tye i akinawu. Mannono bino miyo iŋeo wunu ni an a Rwot ame ogoowu.

¹⁰“Nen ba, nino me can tye abino! Koŋ inen tye doŋ abino, can doŋ obino oko i komwu. Ŋolokop atira doŋ otuno oko, awaka doŋ dwoŋ meicel.

¹¹Tim me kolo doŋ odoŋo atekate ka, odoko doŋ abiro me gin arac. Dano moro mom bino doŋ i akinagi kadi acel, naka lwak jami abup ame tye i ciŋgi, kede lonyogi, gin luŋ obino timogi arorom.

¹²Kare doŋ obino oko, nino mere doŋ ceggi acega. Owil wil myero kur leli, acat jami daŋ myero kur kumi, pien akemo a Rwot agudo lwak luŋ aluŋa.

¹³Pien acat jami mom bino dok i gin a doŋ etyeko cato, kun en pwod tye kwo. Akemo doŋ ogudo lwakgi luŋ, mom dok bino dok cen kadi acel, dok pi balgi, ŋattoro mom bino bedo kwo.”

¹⁴Dano moro doŋ otyeko kuto apel oko, omio jo luŋ doŋ tye ame oterre oko, cite mom tye ŋattoro i akinagi ame bino wot i lweny, pien akemona bino gudo lwak luŋ.

¹⁵Lweny tye naka i dye gudo, too edeke, kede kec tye i udi luŋ. Jo ame tye i potti bino to i lweny, jo ame odoŋ i boma, kec kede too edeke en ame bino neko.

¹⁶Ka ce jo mogo obwot te lwi oko, gin bino bedo i wi kiddi malo, calo awele ame bedo i luŋ, gin luŋ obino kumo, kun ŋat acel acel kumo pi ballere.

¹⁷Jo luŋ ciŋgi bino doko agoro oko, kun coŋgi doŋ tye amyel amyela,

¹⁸Obino rukoboŋo kwero cola, kun lworo ocirogi oko. Lewic bino mako dano acel acel i akinagi, kun jo luŋ olyelo wigi oko.

¹⁹Dano acel acel bino bolo ryallere oko i dye gudo, jabugi bino doko acalo gin ame yigi okwero. Ryalgi karacel kede jabugi mom bino larogi kadi acel, iyi akemo a Rwot. Mom otwero camo kadi acel, dok daŋ mom twero miyogi oyeŋ. Pien jabu kede ryal en ame obedo miyogi poto i bal.

²⁰Rik obedo wakere wakere a konygi mom, pi rukgi abeco. Gin te bedo tiyo cal jogi ame obedo me kwer, kede gigi mogo ame okwero i rukgi-nono. Mannono en omio abino miyo lonyogi doko gin ame yigi okwero.

²¹Abino miyo orok yako oko, karacel kede otim tim areco, eka ote babalo oko.

²²An gira mom abino paro kadi acel i kare ame orok tye abalo ot me wora, i kare ame oyak tye aturo oda kun obalo.

²³“Lobogi bino doko wi obur, pien lobo doŋ opoŋ i tim me onyo remo, tim me byemi daŋ doŋ dwoŋ meicel i boma.

²⁴Abino kelo rokkogo areco meicel ate miyogi gamo udiwu oko. Teko a jo atek bino rwenyo oko, i kare ame abino miyo orokkogo, bino me bino balo kan ame iwora wunu iye.

²⁵Kare ame cunygi doŋ odoko goro, jo bino koko kuc, cite mom bino nen kadi acel.

²⁶Can bino bedo lubere aluba, kun amuttogo areco daŋ winyere tere i tere. Ibino wot wunu baŋ odwarpiny pi winyo gin ame Obaŋa onyuttigi, ento olamdog mom bino bedo kede cikkoro ame myero opwony kede lwak, kun odoŋe a lwak daŋ mom romo miyo tammoro kadi acel.

²⁷Abaka bino kumo, koyo bino onyere oko i kom rwode, kun jo luŋ komgi myel amyela pi lworo, Abino keto can i komgi kun lubere i gin ame gin obedo timo, kun daŋ aŋolligi kop kite ame gin obedo ŋolli jo ocele kop. Mannono bino miyogi oŋeo ni an a Rwot.”