Read lango Kocea 12 Bible Online

Kocea 12 - lango bible

Kocea 12

¹Epraim dyegi, kwao yamo akaka dyegi, rio ryemo yo yamo dyeceŋ benebene; ticgi nyayo goba kede tim me byemi; gin ocikere i jo Acuria, dok otero-gu msoo i Miciri.

²Rwot tye i kop i kom Juda, en bino keto can i kom Yakobo a rom aroma i kite mere dok daŋ bino cule a rom i timere.

³ Kare a en tye i yic, omako opuny tyen ominnere, kare a doŋ otego, oromo Obaŋa.

⁴Oromo amalaika, te loyo, obako doge baŋ amalaika i pig waŋe. Orwatte Obaŋa i Betel, Obaŋa te kop kede kuno,

⁵Rwot Obaŋa me mony, nyiŋe olwoŋo ni Rwot.

⁶“Pi mannono, yin daŋ dwogi, Obaŋani tye akonyi, lid mar kede ŋolo kop atira atek, kun ikuro Obaŋani kare luŋ.”

⁷En acat-wil ame tye i mijan me cero jo i ciŋe, en maro wuno jo.

⁸Epraim okobo ni, “Nen an gira alonyo, anwoŋo limma gira i wia;” cite lonyo mere mom gire romo culo ballere ame ebalo.

⁹An a Rwot Obaŋani, cakere i lobo Miciri; abino miyi dok ibedo i kema, acalo i kare me kwero ecuban ociko pire.

¹⁰Rik akobo baŋ odwarpiny, an ame daŋ rik amio gigi mogo me anyut onya dok amiowu daŋ carakop kun amio baŋ odwarpiny,

¹¹Ka ce balloro tye i Gilead, gin gire bino tum oko luŋ; ka ce gin yalo Obaŋa i twoni Gilead, keno lamgi bino doko calo gweŋe ococoko karacel i poto ame opuro.

¹²Yakobo rik oŋweco oko i lobo me Aram, Icrael otio tic kuno pi nwoŋo dako, en okwao romi wek enwoŋ dako.

¹³Rwot rik omio adwarpiny okwanyo Yakobo oko i Miciri, omio adwarpiny ogwoke.

¹⁴Epraim doŋ oroke atek meicel, pi mannono, Rwot mere bino weko remo me ballere i wie acae mere luŋ daŋ obino dwoko i wie.