Read lango Kocea 6 Bible Online

Kocea 6 - lango bible

Kocea 6

¹Biye wunu, odok wunu cen baŋ Rwot; pien en gire okikilowa, daŋ bino caŋowa; en daŋ gire opwodowa, daŋ bino tweyo waŋ burwa.

²I ŋe nino aryo en bino cerowa, i nino me adekkere en bino miyowa ocuŋ oko, me obed kwo i nyime.

³Oŋe wunu Rwot, oketto wunu cunywa i ŋeye; dwogo mere ate ni, calo ru piny a mom lokere; en bino baŋwa calo kot, acalo kot me cwir ame bino i lobo.

⁴Abino timi kara nadi, yin Epraim? Abino timi kara nadi, yin Juda? Marwu kom calli pol me odiko, calli toyo a mom niaŋ ony.

⁵Mannono omio amio odwarpiny owaŋogi oko, anekogi oko i kop me doga; kop ame aŋolo menyo piny,

⁶An amito gira mar a mom lokere, mom mot oŋolo me yalla, kede ŋeyo Obaŋa, mom mot awaŋa alutu me yalo Obaŋa

⁷Ento gin oturo cikere calo Adam, gin otimo gin a mom atira i koma kuno,

⁸Gilead obedo boma ame otim tim areco dwoŋ iye, kan a tyen jo onyono luŋ, remo keken,

⁹Calo oyak ame libo dano, olamdog daŋ cokere karacel amannono; gin oneko jo i yo ame woto i Cekem, timgi-nono rac meicel.

¹⁰Aneno ginnoro iyiliyili meicel, i ot woro Obaŋa a jo Icrael; tim Epraim me alaya tye kuno, aco Icrael doŋ olille oko.

¹¹Yin Juda daŋ, kare me kac doŋ onyuto oko.