Read lango Joel 2 Bible Online

Joel 2 - lango bible

Joel 2

¹Kut wunu bilo i Cion, kuk wunu duru i wi kidina! Jo luŋ a bedo i lobo myero komgi myel, pien nino a Rwot doŋ ceggi acega.

²Nino-nono gire colpiny ame col icuc, nino mere nino me pol kede mutu acol icuc. Mony adwoŋ dok atek meicel, obino ame omwono wi kidi bala colpiny; moro mom ru koŋ onen acalo ennono, dok daŋ mom gire bino nen atwal, i kwo a jo me kare luŋ ame bino lubowa.

³Tuŋ nyim, mac tye anaŋo tim oko, aco tuŋ negi leb mac tye atwoyo oko. Aco lobo ame tye tuŋ nyimgi calo poto Eden, aco tuŋ negi calo tim odoŋ nono, ginnoro obwot baŋgi mom tye.

⁴Gin onen calo aguragura, orino daŋ calo aguragura me lweny.

⁵Gin opyepyea i wi kidi malo, morgi calo aguragura me romo, dok daŋ calo mor a leb mac, ame cal i rok atek meicel, ame oterre oko pi lweny.

⁶I nyimgi, rok luŋ koyo doŋ oonyere oko i komgi, waŋ jo luŋ doŋ oballe oko.

⁷Omwomere i ŋwec calo olweny atek meicel, oyito i wi cel calo cirikale. Ŋat acel acel kwanyo yo mere kene, kun mom dok gak i yo moro ocele.

⁸Ŋattoro gire mom twomere awottere, ŋat acel acel woto i yo mere kene. Gin ocoro jami luŋ ame obaogi kede, mom ocuŋ gigi.

⁹Omwomere i boma, oŋweco i wi cel, oyito i wi udi, odonyo i wan dirica calo okwo,

¹⁰Ka gin awot lo bo yenere, polo daŋ yeyena. Ceŋ kede dwe doko acol icuc, acer daŋ mom dok ryeny, Dwoŋ Rwot

¹¹mwoc winnyere nyim monnyere; monnyere tek nadi! Ŋat ame cobo kop ame en kobo, tek meicel. Pien nino a Rwot dit, dok daŋ onyo koyo i kom jo; ŋa kara a twero kanyo?

¹²“Kadi bed aman”, man kop a Rwot oko bo, “dwog wunu baŋa i cunywu luŋ, kun ikanyo wunu kec, ikok wunu, dok daŋ ikumo wunu; yec wunu cunywu, ento mom boŋowu.”

¹³Dwog wunu baŋ Rwot Obaŋawu, pien en gire akica dok daŋ atim jo ber, akemo mom make oyotoyot, marrere mom lokere gire, dok juko cunye oko i timo rac, ŋa kara a

¹⁴ŋeo ka ee mom dok bi no lokere, juko cunye, te weko gum doŋ i ŋee, mot me moko kwon kede me ama ta me yalo Rwot Obaŋawu?

¹⁵Kut wunu bilo i Cion! Kwer wunu kare me kanyo kec ba! Lwoŋ wunu cokere adwoŋ ba!

¹⁶Cok wunu jo luŋ karacel. Mi wunu lwak lonyere oko ba! Cok wunu odone karacel ba! Kel wunu iti no atino, anaka itino a pwod tye i kor totogi. Anyom myero donnyo oko i ode, atera ya oko iyi ici ka mere.

¹⁷Wek wunu olamdog ame gin otic Obaŋa koki, iyi akina gul me doggola kede keno lam, kun oko bo ni, “Rwot, tim joni kica ba, kur imi nyin joni dok me ciŋa i akina Orok. Pino kara rok ocele myero kob ni, ‘Obaŋagi kara tye kwene?’ ”

¹⁸Omio nyeko te mako Rwot pi lobo mere kica te make i kom jo mere.

¹⁹Rwot te dokki jo mere ni, “Nen acwayiwu kal, koŋo olok kede moo, bino miyo doŋ iyen wunu. Mom dok abino miyi idoko gi-ayeta i akina orok.

²⁰“Abino cwayo jo i tutun anyarodi i rjetwu tene kannabor, abino ryemogi oko i tim otwo, odoŋ nono; tuŋ nyimgi bino neno nam me tun kide, ŋegi bino neno nam me tuŋ to; ŋwec komgi otop bino kuto, pien gin otimo timmogo adoŋodoŋo.

²¹“Kur ibed ilworo, yin lobo; bed i yomcuny kede lelo, pien Rwot doŋ otimo tim adoŋodoŋo.

²²Kur ibed wunu i lworo wun leyi me tim, pien lum anyen doŋ oradde ata i elet; yen doŋ tye anyak, oduro kede olok doŋ onyak amwonya meicel.

²³“Cunywu bed yom, wun jo me Cion, let wunu i Rwot Obaŋawu; pien ocwayiwu kot me cwir i kare mere i kome; omio kot ocwe adwoŋ meicel omio kot me cwir kede kot icennere, bala kot a rik con.

²⁴“Laro bino poŋ i kal me adina, bur koŋo kede me moo bino poŋ kwic.

²⁵Abino culo wan mwakki luŋ ame bonyo ocamo, acaocao, akolokwac, aluluk kede ogaŋgaji, twon monnyoro adwoŋ ame rik ocwao i akinawu.

²⁶“Ibino wunu camo kit cam luŋ, ame imito wunu ite yen wunu, ite doŋ pako wunu nyin Rwot Obaŋawu, ame otio gin awura baŋwu, Lewic mom bino mako jona.

²⁷Ibino ŋeyo wunu ni an kara at ye i Icrael, dok daŋ ni an a Rwot Obaŋawu, mom dok tye moro ocele. Lewic mom bino ma ko jona.

²⁸“Icennere abino coro Cuny Acil i kom jo luŋ; itinowu awobe kede anyira bino doko odwarpiny, jowu oteggo bi no le ko lek, awobewu adoŋo bino neno anyut.

²⁹I kare-nono abino coro Cuny Acil anaka i kom omirona a co kede a mon.

³⁰“Abino nyuto tano i polo kede i lobo, remo kede mac kede ekuna aduny bala yito.

³¹Ceŋ bino cido acol icuc, dwe bino lokere doko remo, a mom ru nino a Rwot otuno, nino a Rwot dwoŋ dok daŋ iyiliyili meicel.

³²Icennere jo ducu ame bino lwoŋo nyin Rwot, obino larre; pien i wi kidi me Ci on kede i Jerucalem, jo obwot bino bedo kuno, acalo Rwot okobo, dok i akina jo odoŋ, bino bedo iye jo a Rwot olwoŋo.