Read lango Amoc 1 Bible Online

Amoc 1 - lango bible

Amoc 1

¹Kop Amoc ame rik obedo dano acel i akina okwa-rommi me Tekoa, Kop a rik Obaŋa onyutte i kom jo Icrael i mwaka aryo ame lobo mom ru oyeŋere, i kare ame Ujjia onwoŋo abaka me Juda kede Yeroboam wot a Yoaci abaka me Icrael.

²En okobo ni, “Rwot mor i Cion, dwone mor, winyere i Jerucalem; elet okwat bi no koko can, wi kiddi me Karmel bi no ner,”

³Rwot okobo ni, “Pien jo Damaciko otimo bai apol, mom doŋ abino kwanyo kop ame aŋolo i komgi; pien gin odino Gilead kede nyonyo apek,

⁴Pi mannono abino bolo mac i ot a Kajael, maccono bino waŋo udi adoŋo me Ben-adad oko,

⁵Abino turo lodi dogcel me Damaciko oko, abino tyeko jo ame bedo i lobo me Awen oko, kede won abiro-loc me Bet-eden; aco jo Curia abino terogi i opii i Kir”, man kop a Rwot.

⁶Rwot okobo ni, “Pien jo Gaja otimo bai apol, mom doŋ abino kwanyo kop ame aŋolo i komgi; pien gin obelo rok acel luŋ, me wot miyogi i ciŋ jo Edom,

⁷Pi mannono, abino bolo mac i cel me Gaja, maccono bino waŋo udi mere adoŋo oko,

⁸Abino tyeko jo a bedo Acidod oko, kede won abiro loc me Acikelon abino dwoko ciŋa i kom Ekron, jo Piriciti odoŋŋere bino to ducu”, man kop a Rwot.

⁹Rwot okobo ni, “Pien jo Turo otimo bai apol, mom doŋ abino kwanyo kop ame aŋolo i komgi; pien gin omio rok acel luŋ baŋ jo Edom, kun mom opo gigi icikere me omego,

¹⁰Abino bolo mac i cel me Turo, maccono bino waŋo udi mere adoŋo oko,”

¹¹Rwot okobo ni, “Pien jo Edom otimo bai apol; mom doŋ abino kwanyo kop ame aŋolo i komgi; pien gin oryemo omegogi i pala lweny, okwero kica gire ducu, cunygi bedo waŋ nakanaka, ogwoko inigagi at wal.

¹²Abino bolo mac i kom Teman, maccono bi no waŋo udi me Bojra oko.”

¹³Rwot okobo ni, “Pien jo Ammon otimo bai apol; mom doŋ abino kwanyo kop ame aŋolo i komgi; pien gin oryeko yi mon a yac me Gilead, pi medo waŋ lobogi kengi.

¹⁴Abino mo ko mac i cel me Rabba, maccono bino waŋo udi mere adoŋo oko, nino-nono bino bedo woo me lweny, yamo ajuru bi no kodo atek meicel;

¹⁵abakagi obino tero oko iyi opii, en kede rwode mere karacel.” Man kop a Rwot.