Read lango Amoc 5 Bible Online

Amoc 5 - lango bible

Amoc 5

¹Winy wunu kop man ame akobo i komwu bala koko lyel, wun ot Icrael:

²“Orette piny mom dok bino ya, en nyako Icrael; oweke odoŋ kene i lobo mere, ŋattoro a tine malo mom.”

³Pien Rwot Obaŋa okobo ni, “Boma ame owoto i jo tutumia bino doŋ i jo mia, kede en owoto i jo mia, bino doŋ i jo apar, i ot a jo Icrael.”

⁴Pien Rwot okobo baŋ ot Icrael ni, “Yenya wunu Rwot, me ite bedo wunu kwo;

⁵ento kur iyeny wunu Betel kur daŋ idony wunu i Gilgal, kadi kato anaka i Beer-ceba; pien jo Gilgal obino tero oko opii, aco Betel agik gire oko.”

⁶Yeny wunu Rwot, me ite bedo wunu kwo, me kur twarre i ot a Yakobo bala mac, ame waŋ kun ŋattoro a neko i Betel mom tye.

⁷Wun jo ame loko ŋolo kop atira doko gin akec, dok ame caco kite atira, bolo oko piny.

⁸Ŋat otio Yuggi kede Lyer-nino i polo, ame loko piny acol doko odiko, dok ame loko dyeceŋ doko dyewor, ame lwoŋo pii me nam te onyo i wi lobo, nyiŋe Rwot;

⁹en ame omio oyako jo atek kun oturogi atura, en ame mio oyako ot ame tye i cel atek.

¹⁰Gin odag ŋat a jukogi i dog boma, okwero ŋat a kobo kop ateni.

¹¹Pi mannono, pien inyono wunu ocan piny, kun igamo wunu kai i baŋgi tetek, ityeko gero wunu udi i gweŋ opao apaa, ento mom ibino bedo wunu iye, ityeko pito wunu potti olok a yomoro cunywu, ento mom ibino wunu mato koŋŋege.

¹²Pien aŋeo kit ame balwu pol kede, rocwu dwoŋ meicel, wun jo ame wuno jo a kitegi atira, dok igamo wunu daŋ lim me wil, ame owilowu kede imuŋ, ame icwao wunu ocan teŋe i ka ŋolo kop i dog boma.

¹³Pi mannono, ŋat a ryek myero liŋ oko i kodi kare-ni, pien kare-ni rac,

¹⁴Ketto wunu cunywu itimo gin aber, mom itimo gin arac, me ite bedo wunu kwo, Mannono bino miyo Rwot Obaŋa me mony bedo kedwu, acalo ikobo wunu,

¹⁵Kwer wunu gin arac, mar wunu gin aber, ŋol wunu kop atira i ka ŋolo kop i dog boma; gwok onyo Rwot Obaŋa me mony, bino timo kica baŋ jo a Yucepu ame odoŋ.

¹⁶Pi mannono, Rwot Obaŋa me mony, en Rwot okobo ni, “Koko bino woo i dye boma ducu, i dye yo ducu jo bi no kok iye ni, ‘Oii! Oii!’ Gin bi no lwoŋo opur bino, me kwero cola, kede jo aŋeo wer me koko i lyel.

¹⁷Koko bi no woo i poto olok ducu, pien abino kato i akinawu”, man kop a Rwot ikokome.

¹⁸Ibino neno wunu can, wun jo a paro nino a Rwot. Imito wunu nino a Rwot piŋo? Nino-nono colpiny, mom lero;

¹⁹cal i ŋat a riŋo eŋatu, te rwatte i nuu ager meicel, onyo odonyo i ot, te jeŋere kor apama kede ciŋe, twol te kaye.

²⁰Nino a Rwot bino bedo colpiny, mom lero, bino bedo piny acol icuc ame ginnoro aryeny mom iye.

²¹“Adag aramawu, yia okwerogi oko, cokerewu me woro mom yomoro cunya.

²²Kadi imia wunu mot awaŋa kede me moko kwon, mom abino gamogi gira; motwu me kweyo cuny, kede limwu ocwe, mom abino neno gira.

²³Kwany wunu woo me wer oko i baŋa; mom amito winyo dwoŋ tumwu.

²⁴Ento myero iwek wunu ŋolo kop atira mol bala pii, kede kite atira bala kulo ame mol nakanaka.

²⁵“Wun jo me ot Icrael, rik ikella wunu mot aŋola kede mot ocele mege pi mwakki pyeraŋwen i tim?

²⁶Ibino wunu tiŋo abakawu Cakkut, kede Kaiwan ame obaŋawu me acer, cal jogi ame itio wunu pirwu kenwu.

²⁷Pi mannono, abino terowu iyi opii i ne Damaciko”, man kop a Rwot okobo, Rwot ame nyiŋe Obaŋa me mony.