Read lango Amoc 7 Bible Online

Amoc 7 - lango bible

Amoc 7

¹Rwot Obaŋa onyutta kit man: nen, en onwoŋo tye acweyo bonyo apipim i kare ame kai ame ocoo me aryo mere ocako tu; nen mannono doŋ kai me aryo ame otu kun nwoŋo doŋ otyeko kayo me abaka oko,

²Kare ame bonyo doŋ onwoŋo otyeko camo gin otu i loba oko, akobo ni, “Ama Rwot Obaŋa, tim kica doŋ! Yakobo bino cun nino kun en kom titidi moro?”

³Rwot te jukere i man; Rwot te kobo ni, “Mom doŋ bino timere.”

⁴Rwot Obaŋa onyutta kit man: nen, Rwot Obaŋa onwoŋo tye aciko ni ŋolli jo mere kop me mac; eka te twoyo pii atut ame tye piny, te dok kobo waŋo lobo oko.

⁵An ate kobo ni, “Ama Rwot Obaŋa, wek bedi! Yako bo bino cun nino kun en kom titidi moro?”

⁶Rwot te jukere i man; Rwot te ko bo ni, “Man daŋ mom doŋ bino timere.”

⁷En dok te nyutta: nen, Rwot ocun i ŋet apama cel ame ogero kede birigi, kun omako birigi i ciŋe.

⁸Rwot te penya ni, “Amoc, ineno no?” An ate gamo ni, “Birigi.” Rwot te kobo ni, “Nen ba, aketo birigi i dyere a jona Icrael; mom dok abino medo katogi akata.

⁹Jo bino balo kabedo me abila Icaka ducu ame tye malo, wi tuti acil ducu me Icrael bino doko wi obur, dok abino twarre i kom ot a Yeroboam i pala lweny.”

¹⁰Amajia ame onwoŋo rik alamdog me Betel te cwayo kop baŋ Yeroboam abaka me Icrael kun kobbe ni, “Amoc opiro kop i ko mi i akina jo me ot Icrael; lobo mom romo kanyo koppere-nono luŋ.

¹¹Pien en Amoc oko bo ni, ‘Yeroboam bino to i pala lweny, Icrael obino tero oko iyi opii kun otere kan abor i lobo mere.’ ”

¹²Amajia dok te kobbi Amoc ni, “Yin araŋ-piny, wot oko, riŋ i lobo me Juda, iwot icam kwon kuno, dok irab kop Obaŋa daŋ kuno;

¹³ento kur dok imedde rabo kop Obaŋa i Betel, pien man en kabedo acil pi abaka, en ot Obaŋa me loc.”

¹⁴Amoc te dokki Amajia ni, “An gira mom adwarpiny, an mom atin adwarpiny. An akwat, kede apur olamme acama.

¹⁵Rwot okwanya kun onwoŋo at ye alubo yo rommi, eka Rwot te cika ni, ‘Wot irab kop baŋ jona Icrael.’

¹⁶“Aman yin doŋ iwinyo kop a Rwot. Yin ikobo ni, ‘Kur irab kop i kom Icrael’, kur itit kopporo i kom ot Icaka.

¹⁷Pi mannono, Rwot okobo ni, ‘Dakoni bi no doko alaya i boma, itinoni awobe kede anyira bino to i pala lweny, loboni obino poko kun opimo i tol; yin i komi ibino to i loba a mom cil, Icrael gire obino tero iyi opii ateteni kun otere kan abor i lobo mere.’ ”