Read lango Amoc 8 Bible Online

Amoc 8 - lango bible

Amoc 8

¹Rwot Obaŋa onyutta kit man: nen, dita ame opoŋ iye nyig yen me oro,

²Te kobba ni, “Amoc, ineno ŋo?” An ate gamo ni, “Dita ame opoŋ iye nyig yen oro me agikki.” Rwot te dokka iye ni, “Agikki doŋ obino i kom jona Icrael oko; mom dok abino medo katogi akata.

³Wer me ot Obaŋa bino lokere doko koko i nino-nono”, man kop a Rwot Obaŋa; “kom oto bino radde ata; obino bologi oko i kabedo ducu kun oliŋ aliŋa.”

⁴Winy wunu kop man, wun ame nyono jo ame can orido piny, dok ame tyeko ocan me lobo,

⁵ame ko bo ni, “Por dwe bino tuno awene, me ocat kal? cabit koŋo atum awene, me ocat ŋano, me olok gi-poro moko bed atidi, kede cekel bed adwoŋ, me obwol jo i ratili ame mom pi mo kakare;

⁶me owil ocan i lim kede ŋat a can orido pi amuk tyen, dok ocat daŋ kal ame obedo cucuŋ?”

⁷Rwot a myero Yakobo wakere pire okwoŋo ni, “Wia mom bi no wil atwal pi timgi luŋ,

⁸Lobo luŋ mom bi no yeŋere pi kop man, kun jo ducu abedo iye koko can? Lobo luŋ mom bi no tiŋere bala kulo Nail, kun yeŋere, dok piny callo Nail me Miciri?”

⁹“Dok nino-nono ba”, man kop a Rwot Obaŋa okobo, “abino miyo ceŋ po to dyeceŋ, abino miyo piny doko acol kun ceŋ pwod tye.

¹⁰Abino loko aramawu doko me kwero cola, kede werwu luŋ doko koko lyel, abino tweyo boŋo cola i pyer jo ducu, abino miyo wi jo luŋ tal, abino miyo bedo bala cola me atin onywalo acel keken, kede agikki mere bala nino me keckom.”

¹¹“Nen ba, kare abino”, man kop a Rwot Obaŋa okobo, “ame abino cwayo kec i lobo; mom kec kwon, kadi me oryo pii, ento kec me winyo kop Obaŋa.

¹²Jo bino rorona cakere i nam naka i nam ocele, cakere i tuŋ anyarodi naka tuŋ kide; jo bino wirre tuŋŋi i tuŋŋi pi yenyo kop a wot, ento mom obino nwoŋo.

¹³“Inino-nono anyira abeco kede awobe bino wille pi oryo pii ame nwoŋo ocirogi.

¹⁴Jo ame okwoŋo kede Acima me Camaria, kun okobo ni, ‘Acalo obaŋawu tye kwo, wun jo Dan’, kede ni, ‘Acalo yo me Beer-ceba tye kwo,’ gin bino rette piny, mom dok obino ya atwal.”