Read lango Yona 2 Bible Online

Yona 2 - lango bible

Yona 2

¹Yona te kwayo Rwot Obaŋa mere kun tye iyi rec,

²kun kobo ni, “An rik akok baŋ Rwot i canna, en te gamo doga; akok kun atye iyi Ceol, yin ite winyo kwacca.

³Pien ibola kan atut, i cuny nam twal, pii ame mol te gura dyere, imio piini otagere, kun corre beo i wia.

⁴An ate kobo ni, ‘Oryema doŋ oko i nyimi; kara dok abino neno odi acil niŋo ba?’

⁵Pii doŋ omwonya oko, pii atut ogura dyere, egiro tye okadde oko i koma.

⁶Alwiny piny ite kidi, akato piny kan atut ite lobo, lobo te cegga dogcellere oko atwal. Ento yin giri rik ite kwanyo kwona oko i Bur yin Rwot Obaŋana.

⁷I kare ame tipo koma oya, rik ate poyo Rwot; ate cwayo kwacca baŋi, naka i odi acil.

⁸Jo ame keto cunygi i kom jogi a konygi mom, oweko gigi Rwotgi oko, a marrere mom lokere.

⁹Cite an gira abino miyi motti me yali, kun amio i dwoŋ aber me pwoc, Gin ame akwoŋo, abino cobo. Rwot gire en ame laro jo!”

¹⁰Rwot rik te koppi i rec, eka rec te ŋoko Yona oko i wi tela.