Read lango Wel 18 Bible Online

Wel 18 - lango bible

Wel 18

¹Rwot rik te kobo baŋ Aron ni, “Bal luŋ ame otiko kabedo acil bino bedo i wii kede i wi awobeni karacel kede i wi jo me doggola a kwaroni; dok daŋ bal luŋ ame otiko ticwu me olamdog bino bedo i wi kede i wi awobeni.

²Yin kel daŋ omegoni me atekere a Levi bin karacel kedi, jo me atekere a pappi, me gin notte kedi, okonyi, kun nwoŋo yin karacel kede awobeni itye wunu i nyim kema me kop me caden.

³Gin bino konyi kun otio tic luŋ ame mitte i kema; cite gin mom bino noko jami me kabedo acil onyo ame tye i keno lam, me wek yin karacel kede gin kur ito wunu.

⁴Gin bino notte kedi ote konyo tic i kema me rwatte, kun otio tic ducu i kema; ŋattoro ata myero kur nokwu aceggi.

⁵Wun ibino wunu konyo tic i kabedo acil kede i keno lam me akemo kur dok medde bedo tye i kom jo Icrael.

⁶Nen ba, an doŋ akwanyo omegowu, ame gin jo Levi, i akina jo Icrael; gin doŋ tye acalo mot ame omiowu, ame omio baŋ Rwot, me tiyo tic i kema me rwatte.

⁷Yin karacel kede awobeni ibino tiyo wunu ticwu me olamdog i kop ame mako keno lam, kede tyelo kan ame boŋo me icika owumo; ite tiyo ticwu. Amiowu ticwu me bedo olamdog acalo motwu; ka ce ŋatt ata onoko aceggi, obino neko oko.”

⁸Rwot dok te kobbi Aron ni, “Nen ba, doŋ atyeko miyi jami luŋ ame okano i kom mot ame amia kede, ame en jami acil luŋ ame jo Icrael okelo; atyeko miyogi oko me bedo iner ame dok baŋi, kede baŋ awobeni, me bedo iner ame myero mi baŋi kare ducu.

⁹Magi-nono bino bedo meri i kom mot acil meicel ame okano i kom mot ame owaŋo i mac; motgi luŋ me moko kwon, motgi luŋ me bal, kede motgi luŋ me walakino i roc, ame gin mio baŋa, ibino tero wunu acalo gin acil meicel baŋi kede baŋ awobeni.

¹⁰Ibino camo wunu kakannoro acil meicel; co luŋ twero camo; mannono gire cil baŋwu.

¹¹Medo i kom magi-nono, motgi luŋ ame gin omio, ame obedo mot ayoka ame jo Icrael omio; atyeko doŋ miyo oko baŋi, kede baŋ awo beni kede anyirani acalo iner ame ibino camo wunu nakanaka. Jo luŋ i odi, ame cikkoro mom ogeŋo twero camo.

¹²Moo abeco mere luŋ, kono olok amittege, kede kal abeco luŋ, motgi me wi mwaka luŋ, ame gin mio baŋ Rwot, atyeko doŋ miyo oko baŋi.

¹³“Cam luŋ a tye i lobogi ame ogeo cek, ame gin kelo baŋ Rwot bino bedo meri, jo luŋ ame tye i odi ame cikkoro mom ogeno twero camo.

¹⁴Ginnoro luŋ ame jo Icrael ojalo baŋ Rwot bino bedo meri.

¹⁵Atin ginnoro luŋ ame tye kede kwo, ame ogeo yabo ot nyodo, kadi mea dano onyo mea lee, ame omio baŋ Rwot, bino bedo meri. Kadi bed amannono, itino kao luŋ me dano obino lakoro alakara, karacel kede itino kao me leyi a cik ogeŋo, gin daŋ obino lakoro oko.

¹⁶Obino lakoro i kare ame mwaka me ditogi doŋ oromo acel. Wel me i lakoro ibino miyo bedo cekel me ryal abic, kun lubo cekel me kabedo acil, ame cekel acel acel romo gera pyeraryo.

¹⁷Cite atin kao a dyaŋ, onyo atin kao a romo, onyo atin kao a dyel mom obino lakoro; gin cil. Ibino kikiro remogi i kom keno me lam, dok daŋ i bino waŋo dwolgi me bed mot ame owaŋo i mac, gin a ŋwece kur a yomoro cuny Rwot.

¹⁸Riŋogi bino bedo meri, acalo ogok ame oyoko kede amuru me tuŋ cem luŋ meri.

¹⁹Mot acil luŋ ame jo Icrael omio baŋ Rwot doŋ atyeko miyo oko baŋi, kede baŋ awobeni kede anyirani, me bed iner ame ibino camo wunu nakanaka. Man en cikere ame omoko doŋ oko atwal i kado, i nyim Rwot piri kede pi ikwae.”

²⁰Rwot dok te kobo baŋ Aron ni, “Yin mom ibino nwoŋo lobo moro me bedo megi i lobogi, mom daŋ ibino bedo kede dulloro i akinagi. An en ame abedo dul ame meri kede gin ame inwoŋo me bedo meri i akina jo Icrael.

²¹“Atyeko miyo acel me apar luŋ i kom jami a jo Icrael baŋ jo Levi me bedo megi, me culo ticgi ame gin otio, ticgi i kema me rwatte.

²²Dok cakere tin, jo Icrael mom bino noko kema me rwatte aceggi, naka mio bal dok i wigi ote to oko.

²³Jo Levi keken en ame bino tiyo tic ame tye i kema me rwatte, ballere bino bedo i wigi. Man bino bedo cik atwal naka i kare ikwaegi; gin mom obino nwoŋo lobo moro me bedo megi i akina jo Icrael.

²⁴Pien acel me apar mea jo Icrael ame gin mio me mot baŋ Rwot, atyeko doŋ miyo oko baŋ jo Levi me bedo megi; en omio akobo ni gin mom bino nwoŋo lobo moro me bedo megi i akina jo Icrael.”

²⁵Rwot dok te kobo baŋ Muca ni,

²⁶“Kob baŋ jo Levi ni, ‘Ka igamo wunu acel me apar i baŋ jo Icrael, ame atyeko doŋ miyo baŋwu me bedo megwu kun ya baŋgi, wun daŋ dok ibino miyo wunu baŋ Rwot acel me apar i kom acel me apar ame igamo wunu.

²⁷Motwu-nono obino kwano i wiwu acalo kal ame oya i larowu me dino kal, dok acalo oya i bur biyo olokwu.

²⁸Wun daŋ ibino wunu miyo mot baŋ Rwot kittono, i kom acel me apar luŋ ame ibino gamo wunu i baŋ jo Icrael; ibino wunu kwanyo mot a Rwot iye, ite miyo wunu baŋ Aron alamdog,

²⁹Mot luŋ ame omio baŋwu, en ame ibino kwanyo wunu iye mot ame tye pi Rwot. Ibino kwanyo wunu i kom mot abeco mere luŋ kun imio wunu en ame doŋ olonyo odoko acil.’

³⁰Pi mannono, yin ibino kobo baŋgi ni, ‘Ka doŋ ityeko miyo wunu en abeco mere oko, en odoŋnege doŋ bino bedo mea jo Levi, acalo gin ame oya i larogi me dino kal kede i bur olokgi me biyo olok.

³¹Itwero camo wunu i kabedo moro keken, wun karacel kede jo me odwu; pien mannono en gin ame oculowu kede pi ticwu i kema me rwatte,

³²Balloro gire mom bino bedo i wiwu pirgi, ka ce onwoŋo doŋ imio wunu en abeco mere oko me mot. Myero kur ipyed wunu jami a jo Icrael acil, me kur ito wunu.’ ”