Read lango Wel 26 Bible Online

Wel 26 - lango bible

Wel 26

¹Kare a doŋ too edeke okato, Rwot okobbi Muca kede Eleajar alamdog, wot Aron, ni,

²“Kwan wunu wel lwak jo Icrael luŋ, cakere i kom jo ame mwaka me ditogi oromo pyeraryo dok kede malo kun ilubo i doggola a kwarigi, jo Icrael luŋ a romo lweny.”

³Muca kede Eleajar alamdog te kop kedgi i bar me Moab, ame tye ceggi i Jordan i Jeriko, okobbigi ni,

⁴“Kwan wunu wel jo, cakere i kom jo ame mwaka me ditogi oromo pyeraryo dok kede malo”, kite a Rwot ociko kede Muca. Jo Icrael ame rik obino kun oya i lobo Miciri gin ene:

⁵Reuben obedo atin kao Icrael; ikwae a Reuben ene: jo Kanok, ame gin obedo jo me doggola a Kanok; jo a Pallu ame gin obedo jo me doggola a Pallu;

⁶jo a Kejeron, ame gin obedo jo me doggola a Kejeron; jo a Karmi, ame gin obedo jo me doggola a Karmi;

⁷Magi gin doggola a Reuben, welgi ducu rik oromo tutumia pyeraŋwen wie adek kede mia abiro i pyeradek nono,

⁸Ikwae a Pallu te bedo: Eliab,

⁹Itino Eliab te bedo Nemuel, Datan, kede Abiram. Magi gin Datan kede Abiram ame rik oyero i akina lwak ame ojem i kom Muca kede Aron ame rik tye i akina lwak i Kora, i kare ame gin ojem i kom Rwot,

¹⁰eka lobo te ŋamo doge mnwonyogi oko karacel kede Kora. I kare-naca lwakgi naca rik oto oko, i kare ame mac tyeko jo mia aryo kede pyerabic; eka gin te doko gin a kwenyoro jo.

¹¹Itino a Kora rik gire mom obin oto i akinagi.

¹²Ikwae a Cimeon ene, kun lubere i doggolagi ene: jo a Nemuel, ame gin obedo jo me doggola a Nemuel; jo a Jamin, ame gin obedo jo me doggola Jamin; jo a Jakin, ame gin obedo jo me doggola Jakin;

¹³jo a Jera, ame gin obedo jo me doggola a Jera; jo a Caul, ame gin obedo jo me doggola a Caul;

¹⁴magi gin doggola a Cimeon, welgi oromo jo tutumia pyeraryo wie aryo kede mia aryo nono.

¹⁵Ikwae a Gad kun lubere i doggolagi ene: jo a Jepon, ame gin obedo jo me doggola a Jepon; jo a Kaggi, ame gin jo me doggola a Kaggi; jo a Cuni, ame gin obedo jo doggola a Cuni;

¹⁶jo Ojini, ame gin obedo jo me doggola Ojini; jo a Eri, ame gin obedo jo coggola a Eri;

¹⁷jo Arod, ame gin obedo jo me doggola Arod; me Areli, ame gin obedo jo me doggola Areli.

¹⁸Magi gin jo me doggola a Gad kun lubo kite ame nyiŋgi tye kede acel acel, welgi oromo tutumia pyeraŋwen kede mia abic nono.

¹⁹Awobe a Juda obedo Er kede Onan; gin luŋ Er kede Onan obin oto oko i Kanaan.

²⁰Ikwae a Juda kun lubere i doggolagi ene: jo a Cela, ame gin obedo jo me doggola a Cela; jo a Perej, ame gin obedo jo me doggola a Perej; jo a Jera ame gin obedo jo me doggola Jera.

²¹Itino a Perej awobe ene: jo a Kejeron, ame gin obedo jo me doggola a Kejeron; jo a Kamul, ame gin obedo jo me doggola a Kamul;

²²Magi gin jo me doggola a Juda kun lubo kite ame nyiŋgi ocoye kede acel acel, welgi oromo tutumia pyerabiro wie abicel kede mia abic-nono.

²³Ikwae Icakar ene, kun lubere i doggolagi: jo a Tola, ame gin obedo jo me doggola a Tola; jo a Pua ame gin obedo jo me doggola a Pua,

²⁴jo a Jacub, ame gin obedo jo me doggola a Jacub; jo a Cimron, ame gin obedo jo me doggola a Cimron.

²⁵Magi gin jo me doggola Icakar kun lubo kite ame nyiŋgi ocoye kede acel acel, welgi oromo tutumia pyerabicel wie aŋwen kede mia adek nono.

²⁶Ikwae a Jabulon ene, kun lubere i doggolagi: jo Cered, ame gin obedo jo me doggola a Cered; jo Elon, ame gin obedo jo me doggola a Elon; jo a Jaleel, ame gin obedo jo me doggola a Jaleel.

²⁷Magi gin jo me doggola a Jabulon kun lubo kite ame nyiŋgi ocoye kede acel acel, welgi oromo tutumia pyerabicel kede mia abic nono.

²⁸Ikwae a Yucepu ene, kun lubere i doggolagi: jo a Manace kede Epraim.

²⁹Awobe a Manace ene: jo a Makir, ame gin obedo jo me doggola a Makir; dok Makir rik daŋ obedo pappa a Gilead; jo a Gilead ame gin obedo jo me doggola a Gilead.

³⁰Awobe a Gilead ene: Joa, Yejer, ame gin obedo jo me doggola a Yejer; jo a Kelek, ame gin obedo jo me doggola a Kelek;

³¹kede jo a Aciriel, ame gin obedo jo me doggola a Aciriel; kede jo a Cekem, ame gin obedo jo me doggola a Cekem;

³²kede jo a Cemida, ame gin obedo jo me doggola a Cemida; kede jo a Keper, ame gin obedo jo me doggola Keper.

³³Jelopekad wot a Keper onwoŋo rik mom tye kede awobe mere, kono ka anyira keken, ame anyira mere-nono nyiŋgi ene: Makla, Noa, Kogla, Mirika, kede Tirja.

³⁴Magi gin ikwae a Manace; welgi rik oromo tutumia pyerabic wie aryo kede mia abiro nono.

³⁵Awobe Epraim ene, kun lubere i doggolagi; jo a Cutela, ame gin obedo jo me doggola a Cutela; jo a Becer, ame gin obedo jo me doggola a Becer; jo Taan, ame gin obedo jo me doggola a Taan.

³⁶Magi gin ikwea a Cutela: jo a Eran ame gin obedo jo me doggola a Eran.

³⁷Magi gin ikwae awobe Epraim kun lubo kite ame nyiŋgi ocoye kede acel acel, wei gi oromo tutumia pyeradek wie aryo kede mia abic nono. Magi gin ikwae Yucepu kun lubere i doggolagi.

³⁸Ikwae a Benjamin ene, kun lubere i doggolagi: jo a Bela, ame gin obedo jo me doggola a Bela; jo Acibel ame gin obedo jo me doggola Acibel; jo Airam, ame gin obedo jo me doggola Airam;

³⁹jo Cepupam, ame gin obedo jo me doggola a Cepupam; jo a Kupam, ame gin obedo jo me doggola Kupam.

⁴⁰Awobe a Bela onwoŋo Arud kede Naaman: jo Arud ame gin obedo jo me doggola Arud; jo a Naaman, ame gin obedo jo me doggola a Naaman.

⁴¹Magi gin ikwae a Benjamin kun lubere i doggolagi; welgi rik oromo tutumia pyeraŋwen wie abic kede mia abicel nono.

⁴²Magi gin ikwae a Dan kun lubere kede doggolagi: Cukam, ame gin jo me doggola a Cukam. Magi gin ikwae a Dan kun lubere kede doggolagi.

⁴³Jo doggola a Cukam luŋ kun lubo kite ame nyiŋgi ocoye kede acel acel, rik gin oromo tutumia pyerabicel wie aŋwen kede mia aŋwen.

⁴⁴Ikwae Acer ene, kun lubere i doggolagi: jo Imuna ame gin obedo jo me doggola a Imuna; jo a Icivi, ame gin obedo jo me doggola Icivi; jo a Beria, ame gin obedo jo me doggola a Beria.

⁴⁵Ikwae a Beria ene: jo a Keber, ame gin obedo jo me doggola a Keber; jo a Malkiel, ame gin obedo jo me doggola a Malkiel.

⁴⁶Nyiŋ nyaka Acer onwoŋo Cera.

⁴⁷Magi gin jo me doggola Acer kun lubo kite ame nyiŋgi ocoye kede acel acel, welgi oromo tutumia pyerabic wie adek kede mia adek nono.

⁴⁸Ikwae a Naputali ene kun lubere i doggolagi: jo a Jajeel, ame gin obedo jo me doggola a Jajeel; jo a Guni, ame gin obedo jo me doggola a Guni;

⁴⁹jo a Jejer, ame gin obedo jo me doggola a Jejer; jo a Cillem, ame gin obedo jo me doggola a Cillem.

⁵⁰Magi gin ikwae a Naputali kun lubere i doggolagi; welgi oromo tutumia pyeraŋwen wie abic kede mia aŋwen nono.

⁵¹Man en wel jo Icrael luŋ, jo tutumia mia abicel kede acel, kede mia abiro i pyeradek nono.

⁵²Rwot okobo baŋ Muca ni,

⁵³“Obino poko lobo baŋ jo-ni me bedo megi kun olubo kite ame nyiŋ ocoye kede.

⁵⁴Atekere ame jo mere pol, ibino pokkigi lobo alac me bedo megi. Atekere ame wel jo mere nok, ibino pokkigi lobo anok, atekere ducu obino pokkigi lobo ame oporo welgi.

⁵⁵Cite lobo obino poko kede kwir; gin bino nwoŋo lobo me bedo megi kun lubo kite ame nyiŋ atekere ocoye kede ame lubere i kwarigi.

⁵⁶Lobogi ame gin bino nwoŋo me bedo megi obino poko i akina atekere adoŋo mege kede atino mege kun olubo kede kwir.”

⁵⁷Magi gin jo Levi kite ame okwanogi kede kun lubere i doggolagi: jo Gercon, ame gin obedo jo me doggola a Gercon; jo Kokat ame gin obedo jo me doggola a Kokat, jo Merari, ame gin obedo jo me doggola a Marari.

⁵⁸Magi gin jo me doggola a Levi: jo Libini ame gin obedo jo me doggola a Libini; jo Kebron ame gin obedo jo doggola a Kebron, jo dogola a Makali, jo me doggola a Muci, jo me doggola a Kora, Kokat rik obedo papa Amuram.

⁵⁹Nyiŋ dako Amuram rik obedo Yokobedi, ame obedo nyaka Levi, ame rik Levi onywalo i Miciri; en rik te nywalli Amuram Aron kede Muca karacel kede amingi Miriam,

⁶⁰Eka Aron te nywalo Nadab, Abiku, Eleajar kede Itamar.

⁶¹Ento Nadab kede Abiku rik te to oko i nyim Rwot i kare ame gin oyalo Rwot i mac a mom ociko ni ti kede,

⁶²Jo Levi a rik okwano te doŋ romo tutumia pyeraryo wie adek, co luŋ ame mwaka me ditogi oromo dwe acel dok kede malo; pien gin rik mom okwanogi i akina jo Icrael, pien gin rik mom opokkigi lobo moro me bedo megi i akina jo Icrael.

⁶³Magi gin jo ame rik Muca kede Eleajar alamdog okwano, ame gin okwano jo Icrael i bar me Moab ame ceggi i Jordan i Jeriko.

⁶⁴Cite i akina jo-nono mom tye moro iye ame rik tye i akina jo ame Muca kede Aron alamdog okwano, i kare ame gin rik okwano jo i tim me Cinai.

⁶⁵Pien Rwot rik okobo i komgi ni, “Gin bino to i tim.” Dano moro rik mom tye ame odoŋ i akinagi, kono ka Kaleb wot a Jepune kede Yocwa wot a Nuni.