Read lango Wel 36 Bible Online

Wel 36 - lango bible

Wel 36

¹Odoŋe a loo doggola a kwarigi ame tye i kwae awobe a Gilead wot a Makir ame obedo wot a Manace, ame tye i doggola me ot itino a Yucepu, gin onoko Muca aceggi ote kop i nyime kede i nyim odoŋe a loo doggola a kwari a jo Icrael.

²Gin okobo ni, “Rwot rik ociko adwoŋwa me pokki jo Icrael lobo me bedo megi kun opoko i kwir; dok Rwot rik ociko adwoŋwa me miyo lobo ame obedo me ominwa Jelopekad baŋ anyira mere.

³Cite ka ce gin onyomere awobe ame tye i akina atekere ocele me Icrael, obino kwanyo lobogi oko, i kom lobo a yam gin oleo me bedo megi i kom mea kwarogi, ote poko oko, medo i kom lobo atekere ame gin doŋ tye iye; obino kwanyo oko i kom me a kwarowa ote poko k ittono.

⁴Dok ka kare me jubili a jo Icrael oromo, lobo ame onwoŋo obedo megi, obino medo i kom me atekere ame gin doŋ otye iye-nono. Obino kwanyo oko i kom me kwarowa ote poko kittono.”

⁵Muca rik te ciko jo Icrael kun lubo kop a Rwot okobo, kun kobo ni, “Kop i kom itekere ame obedo ikwae a Yucepu tye kakare.

⁶Mannono en gin ame Rwot ociko ame mako anyira a Jelopekad, en okobo ni, ‘Wekgi onyomere i ŋat ame gin otamo ni ber, cite gin myero nyomere i doggola ame tye i atekere a kwarogi.

⁷Lobo ame opoko baŋ jo Icrael, mom dok obino kokobo me ya i atekere man cwalo i atekere ocele; pien dano acel acel ame tye i akina jo Icrael bino moko doŋ atwal i lobo ame opokigi me bedo megi, ame tye i atekere a kwarogi.

⁸Dok ka ce nyako moro oleo lobo mere i akina atekere moro me Icrael, en doŋ bino bedo dako a dano moro i akina doggola me atekere a pappere me wek dano acel acel i akina jo Icrael le lobo a kwaro mere.

⁹Pi mannono, mom obino bedo kokobo lobo ame opoko me ya i atekere man, cwalo i atekere ocele; pien atekere acel acel me Icrael bino moko doŋ i lobogi ame gin oleo atwal.’ ”

¹⁰Anyira a Jelopekad daŋ te timo kite ame Muca ocikogi kede;

¹¹pien Malka Tirija, Kogla, Mirika kede Noa, ame gin obedo anyira a Jelopekad, gin luŋ onyomere kede awobe omego papagi.

¹²Onyomogi luŋ i doggola ikwae a Manace wot a Yucepu, lobo ame rikopokigi te bedo iyi atekere me doggola a papagi.

¹³Magi en cik kede icwil ame Rwot ociko kun mio Muca kobo baŋ jo Icrael i bar me Moab ame tye i ŋet Jordan ame otikere i Jeriko.