Read lango Mika 3 Bible Online

Mika 3 - lango bible

Mika 3

¹An ate kobo ni, Winy wunu ba, wun otel wi jo a Yakobo kede wunu oloc me ot Icrael! Mom obedo ticwu me ŋeyo ŋolo kop atira?

²Wun ikwero wunu gin aber, ite maro wunu gin arac, wun ipapaco wunu del kom jona oko, ite daŋ dadaŋo wunu riŋo oko i kom cogogi;

³wun icamo wunu riŋo kom jona, kun iyaŋo wunu del komgi oko, ite tuturo wunu co go komgi ŋido atitino, ite totoŋo wunu calo riŋo ame tye i gulu, calo riŋo ame tye i cupulia.

⁴Eka ite kok wunu baŋ Rwot, cite en gire mom bino gamo dogwu; i nino-naca en mom bino ye ni inen wunu waŋe, pien gin ame itimo wunu rac atek.

⁵Man en kop ame Rwot oko bo kom odwarpiny ame rwenyo jona arwenya, ame rabo kop me kuc, ka ee otye i ginnoro me acama cite gin oero lweny i kom ŋat a mom keto ginnoro me acama i ciŋgi.

⁶Mannono omio Rwot okobo ni ba, Ibino bedo wunu i piny acol icuc aboŋo neno anyuttoro, dok daŋ piny bi no doko acol aboŋo adwoggi me ginnoro ame ityeto wunu. Ceŋ bi no poto i wi odwarpiny, piny bino cido oko dyeceŋ.

⁷Lewic bino mako jo ame neno piny, alee bino twodo otyet; gin luŋ obino miyo doggi oko, pien Obaŋa gire mom bino gamo kopgi moro.

⁸Aco koŋo an gira, tekona dwoŋ ata, Cuny a Rwot daŋ tye i koma, karacel i ŋolo kop atira kede twer, me titti Yakobo roccere, kede me nyutti Icrael ballere.

⁹Winy wunu man ba, wun otel me ot a Yakobo, kede wun oloc me ot Icrael, ame idag wunu ŋolo kop atira, kun idwadwanyo wunu kop luŋ a tye kakare,

¹⁰wun ame igero wunu boma me Cion kede remo, kede Jerucalem daŋ i tim a mom ber.

¹¹Otel a jo Jerucalem ŋolo kop pi lim owilogi kede i muŋ, olamdog iye pwonyo pwony pi ocara odwarpiny daŋ tyeto tyet pi lim; cite pwod okobo ni ojeŋere i kom Rwot, kun okobo ni, “Rwot gire tye i akinawa, ginnoro arac gire mom bino gudo komwa.”

¹²Mannono omio Cion obino puro calo poto; aco Jerucalem bi no doko wi obur, kidi ame ot a Rwot ocuŋ iye yen bino oculle iye acula.