Read lango Mika 4 Bible Online

Mika 4 - lango bible

Mika 4

¹Man bino timere i kare ame tye anyim: kidi ame ot a Rwot tye iye bino cuŋ malo iguŋ ame kato kiddi ducu, borrere bi no kato lobo luŋ obedo tutur; rok luŋ bino ciro woto kuno,

²rok apol bino bino, te kobi ni, “Biye owot wunu i wi kidi a Rwot, i ot a Rwot Obaŋa a Yakobo; me en wot pwonywa i kite mere, me wan daŋ olub kite.” Pien cik bino ya i Cion, kun kop a Rwot ya i Jerucalem.

³En bino ŋolo kop i akina rok apapat, rokkoro atek ame tye kannabor, bi no lubo gin a en omoko, pala lwenygi obino teto me leb kweri dyaŋ, toŋigi bino doko pala me lwero jaŋ olok; rokkoro gire mom dok bino tino pala me lweny i rok ocele, mom daŋ dok obino pwonyo kite me romo.

⁴Ento ŋat acel acel gire bi no bedo i te olokkere kede i te oduro mere, mom tye ŋattoro ame bi no miyogi obedo lwor; pien Rwot me mony doŋ okobo man en ikome.

⁵Pien rok luŋ aluŋa, acel acel iye lubo nyiŋ obaŋagi cite wan giwa obino lubo nyiŋ Rwot Obaŋawa naka waŋ i waŋ.

⁶Rwot okobo ni, I nino-naca abino coko oŋwalo, ate daŋ coko jo ame oryemo oko teŋe, kede jo ame an doŋ aketo can i komgi;

⁷eka oŋwalo en ate bedo jo obwot, jo ame onwoŋo oryemo teŋe te doko rok atek; Rwot en ame bi no loyogi i kidi me Cion, cakere tin naka waŋ i waŋ.

⁸Aco yin pem ame icuŋ iguŋ malo ame gwoko rommi, yin tur a jo Jerucalem, locci acon ca bino dwogo, bino dwogo gire i ciŋi, ame en loc a jo me Jerucalem.

⁹Piŋo kara aman dok iolakino koko? Abaka moro mom tye bani bo? Lo ami-tam oto oko bo, omio rem ociri wok-ki calo dako ame rem me nywal ogoo?

¹⁰Kany rem, icolle, wun jo me Jerucalem, calo dako ame arem me nywal; pien aman ibino wunu ya oko boma ite wot bedo wunu i tim; ibino wot wunu i Babulon. En Rwot bino larowu i kuno en bino lakorowu i cin okworwa,

¹¹Aman rok apol bi no cokere me lweny i komwu kun gin okobo ni, “Wek obabalo wunugi oko, me wan daŋ onen Cion waŋwa.”

¹²Cite gin gigi mom oŋeo tam a Rwot, gin gigi mom oŋeo yikkere, ni en ocokogi calo wit kal i laro

¹³Ya malo, me idingi wunu ba, wun jo me Cion, pien obino miyo tuŋwu doko nyonyo, ogweŋere tyenwu bi no doko mola; ibino nyono rok apol piny ite tyeni, ibino jalo limgi baŋ Rwot eka te bedo mea Rwot me wi podo luŋ.