Read lango Mika 6 Bible Online

Mika 6 - lango bible

Mika 6

¹Winy wunu ba gin ame Rwot okobo: Ya wunu malo, ipid wunu i nyim kiddi, mi wunu lobo obedo kidikidi winy dwonwu,

²Wun kiddi daŋ, winy wunu ba pyem a Rwot, kede wun acakki te lobo ame perakino waŋ i waŋ; pien Rwot tye kede pyemmoro i jo mere en bino pyem i jo Icrael.

³“Kara atimo ŋo i komwu ba, wun jona? Aolo kara komwu i yore ano ba? Koŋ ikobba wunu,

⁴Pien rik akwanyowu i lobo me Miciri, alakorowu i ot me opii; dok daŋ acwalo Muca i nyimwu me telowu, Aron kede Miriam.

⁵Koŋ ipo wunu gin ame Balak abaka me Moab oporo, wun jona, kede gin ame Balaam wot a Beor odokke iye, kede dok gin ame rik otimere cakere i Cittim naka i Gilgal, me iŋe wunu tic ame Rwot otio me laro jo.”

⁶“Kara abino kelo ŋo i nyim Rwot, me aryebere i nyim Obaŋa ame tye malo? Myero awot i nyime i mot awaŋa, kun atero roa me mwaka acel?

⁷Cuny Rwot bino bedo ayom i kom rommi tutumia i tutumia kede kulli tutumia apar ame moo opoŋ yigi, myero ami atin ame an i koma anywalo pi bal ame tye i cunya?”

⁸Rwot gire doŋ onyutti gin aber, yin dano; ŋo kara ame Rwot mito i baŋi? Mom tiyo tic a tye atira kede maro kica, kede wot karscel Obaŋani, ame imwolle i nyime?

⁹Lworo Rwot obedo tim me ryeko meicel; en redo me lwoŋo boma, kun redo ni, “Winy wunu ba, wun atekere ame icokere wunu i boma!

¹⁰Wia twero wil i kom twon lonyo adwoŋ ame inwoŋo wunu i yore ame mom ber, ame okano i ot a lo arac, kede gi-pimo jami ame adag neno?

¹¹Myero ami lo ame tye i mijan arac lo kop, kun daŋ tye icao me gwoko mijan me goba?

¹²Jowu ame olonnyege ger atek meicel, jo ame bedo kan daŋ ogoba atek, lebgi kela ka kop me go ba i doggi.

¹³Mannono omio doŋ acako goyowu oko, kun amio bomawu luŋ doŋ nono pi balwu.

¹⁴Ibino cem wunu, cite mom gire ibino yeŋ wunu, kec gire pwod bi no medde nekowu bala mom icemo wunu; ibino temo wunu kano jami, cite mom gire bino kanne, gin ame ikano wunu abino miyo oko baŋ pala lweny.

¹⁵Ibino coyo wunu kano jami, cite mom ibino kayo wunu ginnoro; ibino nyono wunu jeituni, cite mom ibino wiro wunu komwu i moo mere; ibino biyo wunu olok, cite mom ibino mato wunu koŋo mere.

¹⁶Pien ilunyo wunu lubo cik Omri, kede ticcoro luŋ me ot Akab, kun ilubo wunu tamgi i ginnoro ducu; ame omio doŋ idoko wunu calo jo ame oweko i wi obur, kun jo ame bedo baŋwu bedo jo me acaa; mannono bino miyo ikanyo wunu anywar a rok apapat.”