Read lango Nakum 2 Bible Online

Nakum 2 - lango bible

Nakum 2

¹Ŋat ame ninido jami doŋ obino oko i komwu. Gwok wunu cel me boma; ŋi wunu ba yo; twe wunu daŋ pyerwu, yikere wunu ba me lweny.

²Pien Rwot doŋ adwokki Yakobo dittere ame rom aroma kede dit Icrael, pien oyak onwoŋo oyayako jamigi ote daŋ babalo jaŋ olokgi oko.

³Jo mere atek i lweny kwotgi rema, ocirikale mere ruko bomji obedo iremarema. Gadigadi lwenygi meny calo leb mac ka oryeogi i tyen, aguragura lwenygi rwomo ŋwec arwoma.

⁴Gadigadi lwenygi riŋo ata i dye yo, omwomere i ŋwec tuŋŋi i tuŋŋi i dye yo alac, omemenya ipilpil calo mac rao kun obedo iwilwil calo lutkot.

⁵Otel a lwak doŋ otyeko lwoŋo oko, gin owot ame ogatte agata, kun oyutte ayuta me wot i cel, ame kwot geŋo komgi daŋ doŋ oterre oko,

⁶Dogcel luŋ ame woto i kulo doŋ oyabere oko ot atek me bedo aloc akuro doŋ rette keken,

⁷Agoŋŋere otero oko iyi opii ame boŋo i pyere daŋ doŋ oyuo oko, kun anyira mere tye akoko ame okumo akuma calo amam, kun daŋ ocipocipo korgi adoŋ.

⁸Nineve calo pii dam ame otur, ame pii mere tye amol oko, Gin oredo ni, “Cuŋ ba! cuŋ ba!” ento moro i akinagi mom gire tye ame lokere dwogo cen.

⁹Yak wunu ryal ba! Yak wunu jabu ba! Lonyo me akana mom gire tum, naka jami me wel-gu.

¹⁰Nineve doŋ odoko wi obur luŋ aluŋa jami oballe keken a doŋ tye iye! Tipo kom jo iye doŋ orino oko kun coŋgi myel amyela, pyer jo luŋ daŋ doŋ rem arema dok wan jo luŋ doŋ nen myemye,

¹¹Gorogoro eŋatu kara tye kwene, kan ame itino eŋatu cemo iye, kan ame eŋatu yam tero iye leyi ame emako, kan ame itino me re bedo iye aboŋo ŋattoro ame yelogi?

¹²Twon eŋatu kikilo riŋo ame romo itino mere, dok daŋ mako lee ocele pi monne; adu mere luŋ poŋ i riŋo leyi ame emako, kun gorogoro poŋ i riŋo ame okikilo.

¹³Rwot me mony okobo ni, “Nen ba, an abedo akworwu, abino waŋo gadigadi me lwenywu oko, te duny yito, pala lweny te tyeko itino eŋatuwu luŋ; abino miyo leyi ame icamo wunu rwenyo oko luŋ i wi lobo, dok dwon akwenawu mom bino medo winyere.”