Read lango Abakuk 2 Bible Online

Abakuk 2 - lango bible

Abakuk 2

¹An abino cuŋ i pem me kiyo piny, kun anyedde i wi pem malo, ame ayikere me winyo ŋo ame en bino kobba, kede gin ame en bino kobo kom kokona baŋe.

²Rwot te dokka iye kun kobo ni, “Aco co gin ame abino nyutti; co aber ame kwanne i kom got me coc, me wek nat ame kwano kwan oyotoyot.

³Gin ame anyutti-nono tye kede kare mere ame otiko, ginnono bi no cobere gire ateni; kare me cobere mere a ru tuno oko. Ka ee ineno ori, yin myero ikur, kare-nono abino ateteni, kare-nono mom gire bino gal.

⁴Nen ba, ŋat ame cunye mom ler bino keŋ cite ŋat ame kite atira bino kwo pi iyee ame en tye kede i kom Obaŋa.

⁵Kadi bed amannono, koŋo olok dwalo tam a dano; lo a wakere mom gire twero bedo mot, ŋat owor atek calo Ceol;” rom aroma kede to ame mom yeŋ. En coko rok luŋ pire en keken, en coko luŋ ibim baŋe acalo mege kene.

⁶Jo-nono luŋ mom bino ŋale kun onwenye koppogo akec, ame okobo ni, “Ŋat ame coko jami a mom mege bino neno can doi, ame ogogere i jami a jo ame ojeŋo, Pi kare a rom me ne ba?

⁷Jo okoporo banya bani mom bino bunyo ya malo? Mom gin en ame bino co te miyo komi cako myel oko? Gin te donyo yako jamini oko.

⁸Pien yin iyako rok apol meicel, jo odoŋ luŋ bino yako jamini, pi remo a jo ame ineko kede pi kolo i kom lobo, kom boma luŋ kede i kom jo ame bedo iye.

⁹Lo a nwono agoba i yore me byemi bi no neno can, me gero ode malo calo winyo, me ginnoro arac mom gire gude!

¹⁰Yikki-nono bino kelo lewic i kom jo me odi, neko jo apol omio ikelo giri can i komi keni.

¹¹Pien anaka kiddi-gu bino kok i kor apama, eka yen i wi ot te daŋ gamo.

¹²Lo ame gero boma i neko jo bino neno can, ame boma mere cuŋ i kom bai!

¹³Nen ba, man gire oya i yik a Rwot me mony, ni jo myero yelle kom ka i gin a bino waŋ oko, dok rok luŋ myero yeyelo komgi nononono.

¹⁴Pien lobo gire bino poŋ oko i ŋec i kom kwogo a Rwot, kite ame pii poŋ kede i nam,

¹⁵Lo ame mio owote mere kanyo akemo mere eka te miyogi doko calo jo omer i koŋo, en te bedo nenogi kun otye i lewic; dano-nono bino neno can!

¹⁶Lewic en ame bino poŋ i wii akaka kwogo. Yin ame imatte giri, ite gatte! Ikopo ame tye i ciŋ Rwot tuŋ cem abino i komi, lewic daŋ abino i kom kwogoni.

¹⁷Tim me kolo ame itimo i kom Lebanon bino wumi oko; to a leyi bino kelli twon lworo adwoŋ meicel; pi re mo a jo kede tim me byemi ame itimo i kom lobo, kede i kom boma luŋ kede jo luŋ ame bedo iye.

¹⁸Cal apaa kara konyo ŋo ba, ka wonnere doŋ otyeko payo oko, onyo cal atwaka, apwony ame agoba? Pien atic keto gennere kom ticcere kene ka en opao cal apaa a mom kobo.

¹⁹Ŋat ame kobbi i gin ame en otio i yat ni ‘Co ba’, kede gweŋ a mom ko bo ni, ‘Ya ba malo’, dano-nono bino neno can! Ginnono twero yabo kopporo ame pwonyo jo? Nen ba, ginnono doŋ owumo oko i jabu kede ryal, dok daŋ mom gire we kadi acel.

²⁰Ento Rwot gire tye i kabedo mere acil; wi podo luŋ myero liŋ mot i nyime.”