Read lango Jepania 2 Bible Online

Jepania 2 - lango bible

Jepania 2

¹Bye ibed wunu kede cokere, wun rok ame lewic mom makowu,

²kun mom ru oryemowu oko teŋe, calo cuŋ kal ame yamo kolo, kun twon iniga agwa meicel ame obedo me a Rwot, mom ru obino i komwu, kun nino me akemo a Rwot mom ru otuno i komwu,

³Yeny wunu Rwot, wun jo ame mwol ame bedo i lobo man, wun jo ame cobo gin ame Rwot ociko; yeny wunu kite atira, kede cuny me mwolo; gwok onyo bino miyo inwoŋo wunu ka gwokere, i ni no me akemo a Rwot.

⁴Pien Gaja bino doŋ nono, Acikelon bino doko wi obur; aco jo me Acidod obino ryemo oko dyeceŋ, eka Ekron ote puto oko.

⁵Ibino neno wunu can, wun jo ame bedo dog nam, wun rok Keret! Kop a Rwot otikowu, yin Kanaan, lobo a jo Piriciti; abino babalo yin oko i tuno ka idoŋ no no aboŋo ŋattoro.

⁶Aco yin dog nam, ibino doko elet, bar okwat kede anok me rommi.

⁷Dog nam bino doko me a jo odoŋ me ot a Juda, gin bino kwayo rommigi iye; dok gin bi no buto piny otyeno, i udi me Acikelon. Pien Rwot Obaŋagi bino paro pirgi, eka te dwokkigi kucgi.

⁸“Anywar a jo Moab doŋ awinyo oko, karacel kede ayet a jo Ammon, kite ame gin nywato kede jona, kun owakere i kom lobogi.”

⁹Pi mannono, acalo at ye kwo-ni, “Rwot me mony”, Obaŋa me Icrael oko bo, “Moab bino doko calo Codoma, aco jo Ammon bi no doko calo Gomora, bino doko calo lobo ame ayilayila kede bur kado odurre iye atata, lobo ame oballe oko doŋ atwal. Jona ame odoŋŋege bi no yakogi, jo mogo ame obwot i akina rokka bino leyo kakargi.”

¹⁰Man en gin ame gin bino nwoŋo pi awakagi, pien gin oŋalo jo a Rwot me mony, dok daŋ owakere i komgi.

¹¹Rwot bino bedo kedgi arac meicel, bino neko kit obaŋe luŋ me wi lobo kede kec, ŋat acel acel bino ryebere piny i nyime, i kan a en tye iye, i lobo a rok ducu ame tye i lobo.

¹²Wun jo me Eciopia daŋ, pala lweny abino nekowu oko.

¹³En dok bino ryeyo cine tutuŋ anyarodi, te lwero Acuria oko; dok daŋ bino miyo Nineve doko wi obur, ame otwo calo tim.

¹⁴Lim akwo bino buto iye i dyere, leyi me tim luŋ; acut kede ogoro bino cuŋ i wi pagi mere; tula bino kok i wan dirica, aco agak bino kok i wan arii me doggola pien yattere me cedar bino doŋ nono.

¹⁵Man en twon boma moro ame ŋatte meicel, ame onwoŋo rik bedo gire i kuc, boma ame onwoŋo ko bo ni, “An at ye, mom dok tye moro ocele.” Koŋ inen kite ame en odoko kede wi obur, kede gorogoro me leyi tim! Jo luŋ ame bea i ŋete, ojwiye kun oyeyerjo ciŋgi.