Read lango Jekeria 1 Bible Online

Jekeria 1 - lango bible

Jekeria 1

¹Kop a Rwot rik owinyere baŋ adwarpiny Jekeria wot a Berekia, wot a Iddo, i dwe me aboro, i mwaka a Dario me aryo mere, kun kobo ni,

²Akemo rik omako Rwot atek i kom kwariwu.

³Pi mannono, kobbigi ni, Rwot me mony okobo ni mannono, Dwog wunu baŋa, an daŋ abino dwogo baŋwu, Rwot me mony okobo.

⁴Kur ibed wunu bala kwariwu ame rik odwarpiny acon orabbigi kop ni, “Rwot me mony okobo ni, ‘Wek wunu kitewu areco kede ticwu areco-nu oko.’ Cite gin gigi rik mom ote winyo, daŋ mom ote keto cunygi i koma kadi acel, Rwot me mony okobo.

⁵Kara gin kwariwu-nono am an otye kwene? Gin odwarpinnyaca koŋo, pwod obino bedo kwo nakanaka?

⁶Koppa kede icwilla ame rik aciko baŋ amirona odwarpiny, rik mom oŋuko kwariwu? Omiogi oŋut kun okobo ni, Rwot me mony doŋ otimo kite acalo rik oyiko ni ebino timowa kede pi kitewa kede timwa.”

⁷Kop a Rwot rik owinyere baŋ Jekeria wot a Berekia, wot a Iddo, i nino dwe pyeraryo wie aŋwen, dwe me apar wie acel, ame olwoŋo ni Cebat, i mwaka a Dario me aryo mere, kun ko bo ni,

⁸“Aneno dano moro dyewor ame obedo i wi aguragura arema, kun onwoŋo ocuŋ iyi akina yen ame ŋwecgi kur, ame tye i luŋ; i yo ŋee tye iye aguragura apapat, arema mere, kede opilopilo, kede en atarrere.

⁹An ate penyo ni, ‘Magi kara ŋo, adwoŋ?’ Amalaika moro ame rik akop keda te kobo ni, ‘Abino nyutogi baŋi.’

¹⁰Lo ame onwoŋo ocuŋ iyi akina yen akur te gamo, kun kobo ni, ‘Magi-nono jo ame Rwot ooro me loloŋo lobo luŋ.’

¹¹Gin te gamo dog amala ika ame ocuŋ i akina yen akur, kun okobo ni, ‘Doŋ, otyeko loloŋo lobo oko, nen, lobo luŋ gire tye okwe.’

¹²Icennere amalaika a Rwot te kobo ni, ‘Ama Rwot me mony kara ibino bedo kare arom mene kun mom ru itimo Jerucalem kica, karacel kede boma me Juda, ame akemo doŋ omaki i komgi odoko mwakki pyerabiro twal-li?’

¹³Rwot te dokki amala ika ame onwoŋo akop kede kun kobbe kop abeco me kica,

¹⁴omio amala ika ame obedo kop keda te kobba ni, ‘Rab kop man kun iredo areda ni, Rwot me mony oko bo ni; Nyeko ocira meicel pi Jerucalem kede pi Cion.

¹⁵Akemo daŋ omaka meicel i kom rok ocele a bedo mot kede kuc; pien kare a rik akemo omaka anonok, gin rik omedo can ameda’

¹⁶Pi man ŋo ŋo Rwot okobo ni, ‘An doŋ adwogo i Jerucalem kun atye i kica adwoŋ obino gero oda iye, Rwot me mony okobo, obino ryeyo tol i Jerucalem me pimo.

¹⁷Dok imed redo ni, Rwot me mony okobo ni; Gin abeco dok bino poŋ ipim i boma na luŋ, Rwot binc dok kweyo cuny Cion, bino daŋ dok yero Jerucalem.’ ”

¹⁸Rik ate dok tiŋo waŋa malo neno piny, nen, aneno tuŋ leyi aŋwen!

¹⁹Apenyo amala ika ame onwoŋo akop keda ni, “Magi kara ŋo?” En te dokka iye ni, “Magi-nono tuŋ leyi ame rik okeketo Juda, Icrael kede Jerucalem.”

²⁰Rwot te dok nyutta otet aŋwen, Eka ate penyo amala ika ni,

²¹“Jo-ni kara obino timo ŋo?” En te dokka iye ni, “Magi-nono tuŋ leyi aŋwen ame rik okeketo i Juda, eka ŋattoro iye mom te tiŋo wie, Jo-ni obino me miyogi lworo, me reto tuŋ leyi orok luŋ piny, ame rik otiŋo tuŋgi malo i kom jo me Juda, me keketo oko.”