Read lango Jekeria 13 Bible Online

Jekeria 13 - lango bible

Jekeria 13

¹“I nino-nono obino tuco akoŋ pi doggola a Daudi karacel kede pi jo ame bedo i Jerucalem, me lwokogi oko i bai kede i tim me caro caro.

²“I nino-nono, Rwot me mony okobo, abino ŋolo nyiŋ cal jagi luŋ oko i lobo, me jo kur dok po pirgi; dok abino kwanyo daŋ odwarpiny karacel kede cen arac oko i lobo.

³Ka ce nattoro dok bino nen acalo adwarpiny, pappere kede tottere ame onywale bino kobbe ni, ‘Mom ibino bedo kwa, pien ikobo kop me goba i nyiŋ Rwot.’ Pappere kede tottere ame onywale bino cobe pel ka ce en bino rabo kop acalo adwarpiny.

⁴I nino-nono lewic bino mako adwarpiny acel acel pi anyuttere ame en rabo pire acalo adwarpiny, en mom bino ruko boŋo obedo yeyer me bwolo jo,

⁵cite en bino kabo ni, ‘An gira mom adwarpiny, an abedo apur poto, pien poto man obedo mega cakere i tinona!’

⁶Ka ce nattoro bino penye ni, ‘Kara yo ŋei ame opwodo oryemo wok-ki kono?’ En bino dok iye ni, ‘Mannono luŋ waŋ abiro ame opwoda kede i ot owotena.’ ”

⁷“Mukere i kom akwatta, yin pala romo, i kom dano ame ocuŋ oluba, Rwot me mony okobo. Nek akwat, me rommi ket oko ata; abino wiro ciŋa i kom jo atino.

⁸I lobo man luŋ, Rwot oko bo, aryo me adek obino ŋolo, te to oko, acel me adek en a bino doŋ.

⁹Abino keto acel me adek-ku i mac, abino liyogi acalli ŋat a lio ryal, abino temogi kite ame otemo kede jabu. Gin bino lwoŋo nyiŋa, an abino winyo kopgi. Abino ko bo ni, ‘Gin jona’; gin daŋ bino kobo ni, ‘Rwot en Obaŋawa.’ ”