Read lango Jekeria 2 Bible Online

Jekeria 2 - lango bible

Jekeria 2

¹Rik ate dok tiŋo waŋa malo neno piny, nen, lo moro ame onwoŋo omako tol me pimo piny i ciŋe!

²Apenye ni, “Yin kara iwot kwene?” En te gamo doga ni, “Awot pimo Jerucalem, wek anen kite ame laccere kede borrere tye kede,”

³Nen, amala ika ame onwoŋo akop keda te bino, cite amalaika ocele daŋ te bino me rwatte kede,

⁴te kobbe ni, “Riŋ baŋ awobi-ca ikobbe ni, ‘Jerucalem bino bedo aboŋo celloro pi lwak jo apipim karacel kede lim akwo luŋ ame bino iye,

⁵Pien an abino bedo acalli cellere me mac ogure i dyere, an abino bedo kwogo me re i dyere kuno, Rwot okobo.’ ”

⁶Ya, ya wunu oko, jo-ni, i lobo me tutuŋ anyarodi, Rwot okobo, pien rik akeketowu atata calo yamo aŋwen me polo, Rwot okobo.

⁷Ya, ilwi wunu oko, iwot wunu i Cion ame obedo Babulon.

⁸Pien ŋat ame ogudo komwu ogudo toŋ waŋ Rwot me mony. I kare ame en won kwogo onwoŋo oora baŋ rok apapat a rik oyakowu, en Rwot me mony okobo ni,

⁹“Nen ba, an abino yeŋo ciŋa i wigi, gin bino doko gi-ayaka a jo a yam koŋ obedo opiigi, Mano bino miyo iŋeo ni Rwot me mony en oora.

¹⁰Wer kun ilelo, yin Cion, pien nen, abino me bedo i akinawu,

¹¹Rok apol bino notte karacel i nino-nono, gin bino bedo jona, ibino ŋeyo wunu ni Rwot me mony oora baŋwu.

¹²Eka Rwot te gamo Juda acalo dullere i lobo acil, bino daŋ dok yero Jerucalem.”

¹³Liŋ wunu oko i nyim Rwot, wun jo luŋ, pien en doŋ otugere oko kene i kabedo mere acil.