Read lango Jekeria 3 Bible Online

Jekeria 3 - lango bible

Jekeria 3

¹Rwot dok te nyutta Yocwa, alamdog adwoŋ, ame onwoŋo tye ocuŋ i nyim amalaika a Rwot, kun Catan tye ocuŋ i ciŋe tuŋ cem me pide.

²Rwot te kobbi Catan ni, “Rwot myero juki, yin Catan! Rwot a rik oyero Jerucalem myero juki! Man mom dog yat ame okwanyo i mac?”

³Yocwa onwoŋo tye ocuŋ i nyim amalaika kun tye oruko boŋŋi ame olille meicel.

⁴Amalaika te kobbi jo ocuŋ i nyime ni, “Gony wunu boŋo olille oko i kome” Dok te kobbe ni, “Nen, atyeko doŋ kwanyo balli oko i komi, obino ruki kede boŋŋi me kwogo.”

⁵Dok ote kobo ni, “Mi dwal atambala acil i wie.” Gin te daŋ dwalo atambala acil i wie, ote daŋ ruke kede boŋŋi kun amalaika a Rwot ocuŋ i ŋete.

⁶Amalaika a Rwot te kobbi Yocwa ni,

⁷“Rwot me mony okobo ni mannono, Ka ce ibino wot kun ilubo yo mera dok daŋ igwoko dyekalla. Abino miyo twer me tuno baŋa i akina jo ame ocuŋ kan-nie.

⁸Winy ba, Yocwa, alamdog adwoŋ, pien yin karacel kede owoteni ame bedo i nyimi, joni obedo anyut ame cimo gin a bino timere i nyim; nen, aman doŋ abino kelo amirona, en Jaŋe.

⁹Pien nen, abino goro coccere i kom kidi acel ame tye i bute abiro, i kom kidi ame aketo i nyim Yocwa, Rwot ame mony okobo, dok abino kwanyo bal me lobo-nono i nino acel keken.

¹⁰I nino-nono Rwot me mony okobo, dano acel acel akinawu bino lwoŋo awottere me bino bedo i te olokkere kede i te oduro mere.”