Read lango Malaki 1 Bible Online

Malaki 1 - lango bible

Malaki 1

¹Man en kop ame Rwot omio Malaki orabo baŋ jo Icrael

²Rwot okobo ni, “Nen an atyeko marowu.” Ento wun ikobo wunu ni, “Yin imarowa kara i yore aŋonnono?” Rwot te gamo ni, “Ecau gin kede Yakobo mom gin omego? Cite an amaro Yakobo,

³ento ate kwero Ecau oko, Lobo Ecau ame obedo kidikidi amio odoŋ nono, aloko odoko me a leyi me tim,”

⁴Ka ee jo Edom, ame gin obedo ikwae Ecau okobo ni, “Wan obabalo bomawa oko, ento wan dok obino gero bomawa ame obalo-nono.” Rwot me mony bino gamo ni, “Gin otwero gero, cite an dok abino reto oko piny, tuno waŋ ame olwoŋo lobogi ni lobo a jo ame obalo, kede dok ni, jo ame akemo doŋ omako Rwot i komgi atwal.”

⁵Wun ikomwu ibino neno wunu man kede waŋwu, ite kobo wunu ni, “Rwot kara dit meicel, anaka i lobo ocele a mom obedo me Icrael!”

⁶Rwot me mony okobbi olamdog ni, “Atin woro pappere, amiro daŋ woro adwoŋŋere. Doŋ ka ce an abedo papawu, piŋo kara mom iwora wunu? Dok ka ce an abedo adwoŋwu, piŋo kara mom ilwora wunu? Wun olamdog ame icaa wunu, dok ite penyo wunu ni, ‘Kara wan ocai i yore aŋo?’

⁷Icaa wunu i miyo cammogo oballe i wi keno lam me yala, eka dok ite penyo wunu ni, ‘Kara wan obalo keno lam i yore aŋo?’ Pien itamo wunu ni meja a Rwot romo gire acaa.

⁸Ka ce imio wunu leyi ame waŋgi oto me mot aŋola me yala, itamo wunu ni mannono nwoŋo itimo wunu gin aber? Dok ka ce imio wunu en ame oŋwalo mege onyo ame two, mannono nwoŋo itimo wunu gin aber? Koŋ item miyo wunu kodi ennono baŋ olocwu; cunygi bino bedo yom i komwu? Gin bino pwoyowu?”

⁹Rwot me mony okobo ni, “Wun olamdog koŋ ikwa wunu Obaŋa ni myero timwu kica, omi berrere onen i komwu, Obaŋa twero nyuto berrere i kom ŋattoro i akinawu kun wun itye wunu kede kodi mot man i ciŋwu?

¹⁰Kono onwoŋo ŋattoro i akinawu ocego doggola me ot Obaŋa oko, me kur ibed wunu moko mac i wi keno lam me yala nononono! An gira cunya mom yom i komwu; mom abino gamo mottoro ame ikelo wunu.

¹¹Pien nyiŋa dit atek i akina rok apapat, cakere i kide naka tuŋ to; i kabedo luŋ jo waŋa odok a ŋwece kur, kun daŋ omia mot aber odoco; pien nyiŋa dit atek i akina orok, man kop a Rwot me mony,

¹²Ento wun nwoŋo ipyedo wunu apyeda pitano ni meja a Rwot gire oballe, dok iromo miyo wunu iye cam ame wun icao wunu.

¹³Wun ikobo wunu ni, ‘Tic man oolo jo rom kwene!’ ite daŋ dok jwiya wunu, man kop a Rwot. Wun ikela wunu leyi ame omao tetek, onyo en ame oŋwalo mege, onyo ame two, magi-nono en ame wun ilunyo kelo wunu me motwu, Abino gamo kodi mottono i baŋwu?

¹⁴Cen myero mak ŋat ame agoba, ame tye kede nyok romo i akina rommi mere, ame ocikere me miyo, eka te dok lunyo ŋolli Rwot en ame roccoro tye i kome. Pien an abedo Abaka adwoŋ meicel, ame nyiŋa olworo atek i akina orok,” man kop ame Rwot me mony ikokome okobo.