Read lango Malaki 4 Bible Online

Malaki 4 - lango bible

Malaki 4

¹“Neno wunu ba, nino-nono tye abino kun wan calo tanur; jo a wakere luŋ kede jo atimo tim areco bino waŋ iye calo reŋ kal. I nino-nono obino waŋogi gin luŋ, ame mom abino weko akadi lwitgi onyo jaŋgi moro doŋ, Rwot me mony okobo.

²Ento pi wun jo ame wora, ceŋ me kite atira bino donyo pirwu kun caŋo jo kede bwome. Wun ibino wot wunu kun ipye wunu apyea calo roce ame ya iyi anok.

³Ibino nyono wunu otim tim areco piny i te tyenwu, pien i nino ame abino tic iye-nono, nwoŋo gin doŋ odoko buru ame tye piny, man kop a Rwot me mony okobo.

⁴“Poyo wunu cik amirona Muca, icwillere kede gin ame en ociko, ame rik an acike iye i Koreb, pi jo Icrael luŋ.

⁵“Nen ba, an abino cwayo adwarpiny Elia; en bino geyo bino kun nwoŋo nino a Rwot mom ru obino, ame en twon nino moro adwoŋ dok daŋ iyiliyili meicel.

⁶En Elia bino loko cuny odoŋe i kom itinogi kede cuny itino i kom odoŋegi naka mio abino ate nekogi oko acalo gin ame ojalo me aneka.”