Read lango Lodo Cik 13 Bible Online

Lodo Cik 13 - lango bible

Lodo Cik 13

¹“Ka ce adwarpinyoro oya i akinawu onyo ŋattoro ame leko lek, eka te nyuttiwu anyuttoro onyo taŋo moro me awura,

²icennere anyuttono onyo taŋo-nono te daŋ timere, eka en te kobo ni, ‘Biye wunu, me olub wunu obaŋe mogo ocele ame yam mom iŋeo wunu, me ocak wunu doŋ worogi’;

³kur iye wunu kop odwarpinnyono onyo kop a won lek kono. Mannono nwoŋo Rwot Obaŋawu tye atemowu, me ŋeyo ka ce imaro wunu Rwot Obaŋawu i cunywu ducu kede tipowu ducu.

⁴Ibino lubo wunu Rwot Obaŋawu kun ilwore wunu, imako wunu cikkere dok iwinyo wunu daŋ koppere, ibino tiye wunu, dok daŋ ibino moko wunu i kome.

⁵Ento adwarpiny ca onyo alek lekkaca ibino neko oko, pien en opwonyo kop me jem i kom Rwot Obaŋawu ame okwanyowu i lobo me Miciri, te lakorowu i ot me opii; en mito miyowu weko yo ame Rwot Obaŋawu ocikowu ni myero ilub wunu. Myero iwe wunu bal man i akinawu kit man.

⁶“Ka ce ominni moro ame totowu kede acel, onyo wodi onyo nyari, onyo dakoni ikokome, onyo awoti moro ame lit i cunyi meicel, obiti i muŋ kun kobo ni, ‘Owot ba oti baŋ obaŋe mogo ocele’, ame yin, akadi kwarini yam mom ŋeo,

⁷obaŋe mogo ame tye i akina obaŋe a jo ame omano ŋetwu-ni, akadi tye kan aceggi onyo kannabor kedwu, i agikki piny tuŋ cel tuno kede i agikki piny tuŋ ocele;

⁸kur iye, kur daŋ iwiny koppere. Kur inene i waŋ me kica, kur iweke, kur daŋ ikan koppere.

⁹Cite myero ineke oko; ciŋi en ame bed me agege i kome, ka doŋ ineke, eka icennere ciŋ jo ocele te doŋ onyere i kome.

¹⁰Ibino neke wunu kun inanapo en wunu kede gweŋe, pien onwoŋo obedo yenyo yo me kwanyi oko i baŋ Rwot ame okwanyowu i lobo me Miciri, i ot me opii.

¹¹Jo Icrael luŋ twero winyo pire ote bedo kede lworo mom dok ote medo timo kodi ballono i akinawu.

¹²“Ka ce i boma moro ame Rwot Obaŋawu bino miyowu me bedowu ibino winyo wunu iye ni,

¹³jo mogo ame kitegi reco omio jo me boma luŋ ogak oko, kun gin okobo ni, ‘Owot ba oti wunu baŋ jo mogo ocele’, ame wun yam mom ru iŋeo wunu.

¹⁴Ka ce iwinyo wunu koppi, myero ipeny wunu koppere kun i iyenyo wunu tere aber meicel. Ka ce iniaŋ wunu, dok daŋ imoko wunu itmmoro me kwer otimere ateni i akinawu,

¹⁵myero inek wunu jo i boma-nono luŋ i pala lweny, kun ijwero wunu luŋ, ame ineko wunu jo luŋ a tye iye kede dokgi daŋ i pala lweny.

¹⁶Ibino coko wunu jami luŋ ame iyako wunu iye i dye boma kannaler, eka ite waŋo wunu boma oko karacel kede jami-nono luŋ, acalo mot ame owaŋo alutu baŋ Rwot Obaŋawu; kannono bino bedo wi obur nakanaka, mom doŋ obino gero boma-nono atwal.

¹⁷Kur iwek wunu ginnoro ame ojalo baŋ Rwot doŋ i ciŋwu, me akemo a Rwot kwe oko, otimwu kica, te nyuto daŋ cuny me kica i komwu, te miyowu nya kite a rik en okwoŋo baŋ kwariwu.

¹⁸En bino timo man ka ce wun iwinyo wunu kop a Rwot Obaŋawu, imako wunu cikkere ame acikowu kede tin, kun itimo wunu gin aber i nyim Rwot Obaŋawu.