Read lango Lodo Cik 8 Bible Online

Lodo Cik 8 - lango bible

Lodo Cik 8

¹“Gwokere wunu, icob wunu cik luŋ ame amiyowu tin, me ibed wunu kwo dok inya wunu, iwot idony wunu i lobo ame Rwot rik okwoŋo ni ebino miyo baŋ kwariwu, igam wunu bed megwu.

²Poyo wunu twon wot abor ame Rwot Obaŋawu otelowu iye pi mwakki pyeraŋwen ame tin otum okoni. En onwoŋo tye amiyowu idoko wunu jo amwol, kun etemowu, me ene gin ame tye i cunywu, ka ce ibino wunu mako cikkere onyo pe.

³En om idoko wunu jo ame mwol kittono, en te miyo kec nekowu, te miyowu camo manna ame mom rik iŋeo wunu, akadi kwariwu daŋ rik mom ŋeo. En otimo mannono me iŋe wunu ni dano mom bino bedo kwo ka i kwon keken, kono ka i kop ducu ame ya i dog Obaŋa.

⁴Rukwu rik mom oyeyeca i komwu, tyenwu daŋ mom gire okwokwota, i mwakki pyeraŋwen luŋ ame ibedo wunu kede i tim.

⁵Ŋe wunu ni kite acalo apap pwonyo wode, amannono daŋ Rwot Obaŋawu pwonyowu.

⁶Pi mannono, myero igwok wunu cik a Rwot Obaŋawu luŋ kun ilubo wunu yo mere dok daŋ ilwore wunu.

⁷Pien Rwot Obaŋawu tye aterowu aber, lobo ame opoŋ i kulli me pii amol, akoŋ apipim, kede pi i akukunya mollo i luŋ kede i kor kiddi,

⁸lobo ame ceko ŋano cayiri, olok kede oduro kede okwer pomegranat, lobo ame moo jeituni kede moo kic dwoŋ iye ata,

⁹lobo ame ibino wunu camo iye cam adwoŋ aboŋo ginnoro ame remowu. En lobo ame gweŋe iye obedo nyonyo, ame okunyo iye mola, i lobo ame obedo kidikidi.

¹⁰Ibino cem wunu ite yeŋ wunu, ite poyo wunu Rwot Obaŋawu, pi lobo aber ame en omiowu.

¹¹“Gwokere wunu ba, me wiwu kur wil oko i kom Rwot Obaŋawu, kun mom imako wunu cikkere, kede gin ame en ociko, kede icwillere ame acikowu kede tin,

¹²naka mio ka doŋ iyeŋ wunu, kun daŋ doŋ igero wunu udi abeco ame ibedo wunu iye;

¹³kare ame dokwu kede rommiwu doŋ onya apol, karacel kede ryalwu kede jabuwu ame nwoŋo doŋ bup meicel, dok jami luŋ ame tye i ciŋwu doŋ dwoŋ atata,

¹⁴cunywu te cako yeyea, wiwu te wil oko i kom Rwot Obaŋawu ame rik okwanyowu i lobo Miciri, i ot me opii.

¹⁵Obaŋawu ame rik otelowu i dye twon tim alac dok iyiliyili, ame twole a kwiri rac kede yit rik tye iye apipim; i lobo ame oryo pii onwoŋo dwoŋ iye meicel. Rwot Obaŋawu ame rik te miyo pii mollo pirwu kun ya i lela;

¹⁶en a daŋ rikomiowu manna me acama, cam ame kwariwu rik mom oŋeo. En otimo mannono me wek emiwu idok wunu jo amwol, etem cunywu, me wek i agikki mere etimwu ber.

¹⁷Gwokere wunu ba, naka mio ikobo wunu i cunywu ni, ‘Tekona kede twer me ciŋa en omio anwoŋo lonyo man.’

¹⁸Myero ipo wunu i kom Rwot Obaŋawu, pien en omii teko me nwoŋo lonyo, me wek emok cikere mere ame rik ekwoŋo baŋ kwariwu, kite ame tye kede atot tin.

¹⁹Ka ce wiwu bino wil oko i kom Rwot Obaŋawu, ite cako wunu lubo kite obaŋe mogo ocele, kun itiyigi wunu dok daŋ iworogi wunu, akobbiwu kannaler ni, ibino wunu to itum wunu ducu.

²⁰Ibino to itum wunu oko calo rok ame Rwot tye ka tyeko oko i nyimwu, pien mom iwinyo wunu kop a Rwot Obaŋawu.