Read lango Tic Okwena 20 Bible Online

Tic Okwena 20 - lango bible

Tic Okwena 20

¹Ka tugere ca doŋ okwe, Paulo ocwao kwena baŋ jo a lubo Yecu, Ocuko cunygi, te cikogi, te wot gire oko i Makedonia.

²En te be bea i lobo me kuno, kun kobo kop apol me cukoro cuny jo, eka te kato i lobo a jo Grik.

³En rik te tyeko dwete adek kuno; i kare ame en rik doŋ cok kwaŋ me wot Curia, Ojudaya daŋ te cako yikere pire i muŋ, omio en te moko tammere me dok gire cen kun ebeo i Makedonia.

⁴Jo olwoke rik obedo Copater, dano me Berea, wot a Puro, kede Aricitako, kede Cekundo, ame gin jo me Tecalonika, Gayo me Derube, kede Temoteo, kede Tukiko gin i Tropimo ame gin jo me Acia.

⁵Jo-nono otelliwa yo, eka ote kurowa i Teroa.

⁶Wan okwaŋo nam kun oya i Pilipi a doŋ kare me Ogati a Tobi Mom iye doŋ otum oko, owoto nino abic ote tuno baŋgi i Teroa, ote ri kuno nino abiro.

⁷Ka rik wan ocokere karacel me nyinyilo ogati i nino ame lubo cabit Ojudaya, Paulo okobo kedgi, kun oyikere ni ebino wot oko i orwo mere, te gal i rabo koppere i tuno anaka i dye idiŋ.

⁸Onwoŋo tara apol tye alyel i icika amalo kan a wan ocokere iye.

⁹Atin awobi moro a nyiŋe Yutiko rik tye obedo i waŋ dirica. Ame Paulo onwoŋo pwod obedo medde kede rabo kop nakanaka, nino te cako ciro awobinu atek. Kare ame nino doŋ onure meicel, awobi te mwomo oko i icika a malo me adekkere, te napere oko piny, ote coko a doŋ oto oko.

¹⁰Paulo te yitto piny, poto i kome, te kwake kun kobo ni, “Weku woo bedi. En gire pwod kwo.”

¹¹Eka Paulo te yito dok malo, te nyilo ogati; ocamo cem, te dok ceko kedgi kop pi kare alac ituno ka piny oru, te doŋ wot oko.

¹²Gin doŋ ote kelo awobi caoko i ot kun doŋ kwo, omio cunygi doŋ te kwe aber meicel.

¹³Cite wan ogeo wot i mel, ote kwaŋ wot i Aco, kun onwoŋo oyiko ni obino gamo Paulo i mel kuno, pien en onwoŋo oyiko amannono, kun en ikome omito ni ebe i wi tela.

¹⁴Ka en onwoŋowa i Aco, ogame i mel, ote bino i Mitulene.

¹⁵Ote kwaŋ iya i kuno, orwo mere ote tuno kan ame otemere kede Kio. I nino me aryo mere wan ote tuno i Camo, eka orwo mere ote tuno doŋ i Mileto.

¹⁶Pien Paulo onwoŋo otamo ni myero ekat Epeco akata, me mom doŋ etyek kare i Acia; pien onwoŋo en arurua ni, ka twerre, nwoŋe doŋ etye i Jerucalem i nino me Pentekote.

¹⁷Ame Paulo pwod tye i Mileto, en ocwalo kwena i Epeco pi lwoŋo odoŋe a lwak jo oye Kricito.

¹⁸Ka doŋ gin otuno baŋe, en te kobbigi ni, “Wun ikomwu iŋeo kite ame abedo kede i akinawu i kare luŋ, cakere i nino ame ageo nyono kede Acia,

¹⁹kun atiyi Rwot i mwolo luŋ kede pig waŋ kede aoma yic ame opoto i koma pi kit ame Ojudaya obedo liba kede.

²⁰Daŋ iŋeo wunu kite ame an rik mom alworo tito baŋwu kede pwonyowu ginnoro ducu ame twero konyowu, ame man rik atimo i dye lwak kede i ot i ot.

²¹Rik atito atira baŋ Ojudaya kede jo Grik ni myero gin oŋut i tun baŋ Obaŋa dok daŋ oye Rwotwa Yecu.

²²Cite aman, nen, an doŋ Cuny Acil tye adiya awot i Jerucalem; mom aŋeo gin a bino timere i koma kuno,

²³kono ka gin ame Cuny Acil titta i boma acel acel, keken, ni, twec kede aroma en ame tye akura akura.

²⁴Ento an mom gira akwano kwo mera ni obedo ginnoro me wel i tuŋ baŋa, tekki acobo ŋwecca kede tic ame agamo i baŋ Rwotwa Yecu, me bedo caden me amut aber me kica Obaŋa.

²⁵“Onyoni kono doŋaniaŋ ni mom tye ŋattoro i akinawu ame rik abebea baŋwu kun arabbiwu kop me loc Obaŋa, ame dok bino neno waŋa.

²⁶En omio tin atittiwu atira ni, an gira balla moro mom i remowu luŋ,

²⁷pien nwaŋ mom alworo rabbiwu tam luŋ ame Obaŋa oyiko.

²⁸Gwokere wunu kenwu kenwu, karacel kede lwak romi luŋame Cuny Acil omiowu tic me gwoko, me ibed wunu okwa lwak jo oye Obaŋa a rik en oloko odoko mere i remo mere ikome.

²⁹An aniaŋ ni, ka doŋaya oko, epettogo ager bino donyo i akinawu, gin mom bino timo romi kica.

³⁰Anaka i akinawu daŋ, bino ya iye jo mogo ame bino kobo koppogo ame odwadwanyo oko, me owa olub Yecu odwok i ŋegi.

³¹Pi mannono kiu wunu piny, kun ipo wunu ni, an rik mom aweko pwonyo ŋat acel acel kun pig waŋ cwer pi mwakki adek.

³²Amanni doŋ an awekowu i ciŋ Obaŋa kede i koppere me kica ame twero miyowu idoŋo wunu, dok inwoŋo wunu kabedowu i akina jo luŋ ame olonyo doŋ obedo acil.

³³An gira rik mom onwoŋo aparo ryal kadi jabu onyo ruk a ŋattoro.

³⁴Wun ikomwu iŋeo wunu ni tic me ciŋa-ni ame okella jami luŋ a mitte baŋa kede baŋ jo luŋa rik bedo keda.

³⁵Kare luŋ rik abedo nyuttiwu ni myero iti wunu tic atek amannono me ikony wunu jo a mom i teko, kun ipo wunu i kom kop a rik Rwotwa Yecu okobo ni, ‘Winyo tye i miyo akato gamo agama.’ ”

³⁶A doŋ Paulo otyeko kobo kop man, orumo coŋe piny, te kwayo Obaŋa karacel i jo-nono luŋ.

³⁷Gin luŋote koko meicel, kun okwako ŋut Paulo, onoto leme daŋ.

³⁸Gin a doŋowaŋo yigi wok, en kop ame en okobo ni mano jo-nono mom dok bino medo neno waŋe. Gin doŋote lwoke tere naka i mel.