Read lango Jo Roma 7 Bible Online

Jo Roma 7 - lango bible

Jo Roma 7

¹Omegona, an akop kede jo a ŋeo cik, mom iŋeo wunu ni, cik mako dano ka pwod kwo keken?

²Dako daŋ cik tweo baŋ cware ka pwod kwo; ento ka cware ca oto, en doŋ gonyere oko i cik a cware.

³En omio ka cwar dan-nu pwod tye kwo, ce dako te kobo baŋ ico ocele, obino kobo ni ocodo cot. Cite ka cware oto oko, doŋ ogonyere oko i cik-ku; ka en dok ogero lo ocele, mom doŋ ocodo cot.

⁴Amannono, omegona, wun daŋ rik ito wunu i tuŋ baŋ cik pi kom Kricito ame inotte wunu iye, me idok wunu baŋ ŋat ocele, en ame rik ocere oko iyi akina a jo oto, me waŋ onyak nyige pi Obaŋa.

⁵Pien a rik wan pwod otye i kwo me anywalli, agoma yic me bal ame cik otugo onwoŋo tye atic i dule komwa me nyako nyige pito.

⁶Cite amanni wan doŋ ogonyowa oko i kom cik, wan doŋ oto i kom gin a con omakowa. Omio wan doŋ otye ka tic i yo anyen me Cuny, mom dok i yo acon me lubo cik a yam ocoo acoa.

⁷Kara doŋ wan obino kobo ŋo? Cik en bal? Mom amannono gire! Cite kono cik rik mom obedo tye, kono an gira mom aŋeo bal. Ka kono cik rik mom okobo ni, “Kur imit jami a ŋat ocele,” kono nwaŋ daŋ mom abedo kede ŋec i kom kodi mittono.

⁸Cite bal te nwoŋo kare i icwil ca, eka te kela kwone mit areco luŋi yia. Pien ka cik mom tye, bal to oko.

⁹Yam an abedo kwo aboŋo cikkoro, ento a doŋicwil ca obino, bal te kwo oko,

¹⁰an ate to. Icwil ca ikome ame myero kella kwo te lunyo kella to.

¹¹Pien bal onwoŋo kare i icwil, te bwola, te neka oko kede icwil ca.

¹²Pi mannono, cik gire cil, icwillere daŋ cil, tye kakare, dok ber daŋ.

¹³Gin a rik ber ca, en a dok odoko to i tun baŋa? Mom amanno! Onwoŋo bal gire omia ato, kun tio kede gin aber, me nen kannaler ni bal enno. Amannono icwil ca omio bal odoko arac okato kare.

¹⁴Wan oŋeo ni, cik en gin me Cuny; aco an a dano me kom, ame ocato oko acalo opii i te bal.

¹⁵Gin ame atio-gu daŋ mom aniaŋ iye. Pien gin ame an amito mom atio, cite dok alunyo tiyo gigi mogo ame akwero.

¹⁶Cite ka an atio gin a mom amito, aye ni cik gire ber.

¹⁷Mano doŋ mom an ikoma atio, cite bal a bedo i yia ca, en ame tio.

¹⁸Pien an aŋeo gira ni, ginnoro aber mom bedo i yia, i kwona me anywalli. Kono me mito, amito tiyo gin aber, ento pe atwero;

¹⁹pien mom atio gin aber ame amito, cite gin arac a mom amito, en dok alunyo tiyo.

²⁰Aco kara ka an atio gin a mom amito, mano doŋ nwoŋo mom an ikoma atio, cite bal a bedo i yia ca en ame tio.

²¹Omio doŋ anwoŋo ni obedo acalo cik ni, ka amito tiyo gin aber, gin arac en ame ceggi keda.

²²Pien i yia alelo i cik Obaŋa,

²³cite dok aneno cik ocele i dule koma ame tye ka romo kede cik ame apwoo i tamma, kun tera i opii i te cik me bal ame bedo i dule koma.

²⁴An a piny oloa aman-ni, ŋa a bino lara i koma ame ata oko-ni?

²⁵Apwoo Obaŋa pi Yecu Kricito Rwotwa! Doŋ i tun baŋa an aworo cik Obaŋa kede tamma, cite i kwona me anywalli aworo cik me bal.