Read lango 2 Korinti 13 Bible Online

2 Korinti 13 - lango bible

2 Korinti 13

¹Man doŋ en tyen me adek ame abino tuno baŋwu. Caden aryo onyo adek myero mok kop luŋ ame okelo.

²Rik akobbiwu con ame rik atye baŋwu i wenona me aryo, dok anwoo kobo amanni ame atye doŋ teŋe, baŋ jo-nono a rik obalo, kede baŋ jo ocele luŋ, ni mano, ka dok adwogo baŋwu, mom abino timo ŋattoro kica,

³pien wun imito wunu neno gin a moko ni Kricito en ame akop i doga. En gire mom goro i baŋwu, cite nyuto teko mere i yiwu.

⁴Rik oto i kom yataria pi goro, ento aman en bedo kwo pi teko Obaŋa. Anaka wan daŋ ogoro i en, ento i tuŋ baŋwu wan obino bedo kwo karacel i en pi teko Obaŋa.

⁵Koŋ itemere wunu kenwu, ka itye wunu i kom iyee. Ŋiye wunu kenwu, Mom iniaŋ wunu ni Yecu Kricito tye i yiwu? Kono ka onyo wun jo a mom Obaŋa opwoo.

⁶Ageno ni ibino niaŋ wunu ni wan giwa mom obedo jo a mom opwoo.

⁷Wan okwayiwu Obaŋa ni kur itim wunu ginnoro arac, mom me nyuto ni wan jo ame Obaŋa opwoo, ento ni myero itim wunu gin aber, kadi bed wan onen bala obedo jo a mom en opwoo.

⁸Pien wan mom otwero wunu tiyo ginnoro ame pyem kede gin a tye ateni, ento otwero tiyo ka gin a rwatte kede gin a tye ateni keken.

⁹Wan yiwa yom ka ogoro kun wun itek wunu, ento wan dok okwao pirwu ni ibed wunu jo a doŋ ocwiny.

¹⁰Gin omio acoo man kun atye teŋe i baŋwu, me ka abino baŋwu kur abed ager kedwu kun atiyo kede twer a rik Rwot omia ca, me donowu, pe me dwokowu cen.

¹¹Me agikki, omegona, doŋ ibedu ba, Yik doŋ kitewu bed aber, daŋ iwiny wunu gin ame akwaowu iye, Bed wunu i cuny acel, daŋ ibed wunu i kuc, Obaŋa ame en won mar kede kuc bino bedo kedwu.

¹²Motte wunu kenwu kenwu kede amot me mar.

¹³Jo Obaŋa luŋ omotowu.

¹⁴Winyo a Rwotwa Yecu Kricito, kede mar Obaŋa, kede notte a Cuny Acil kelo, bed kedwu wun luŋ.