Read lango Jo Epeco 1 Bible Online

Jo Epeco 1 - lango bible

Jo Epeco 1

¹Waraga man oya i baŋ Paulo ame en akwena a Kricito Yecu pi mit Obaŋa. Baŋ jo Obaŋa ame tye i Epeco, a gin jo a genne i Kricito Yecu.

²Obaŋa Papa wa kede Rwot Yecu Kricito miwu winyo kede kuc.

³Myero opwo wunu Obaŋa, Papa a Rwotwa Yecu Kricito, pien i Kricito doŋ omiowa kwone winyo me cuny luŋ ame tye i polo.

⁴En rik oyerowa i Kricito ame mom ru ocibo acakki te lobo, me wan obed jo acil i nyime aboŋo balloro i komwa, pi mar mere.

⁵Obaŋa pi mittere kene rik oyiko con ni wan myero odok itino mere pi tic a Yecu Kricito.

⁶En otimo man me wek wan opak mottere me kica me kwogo adwoŋ a en omiowa i Wode ame emaro.

⁷Pi remo me to a Wode, wan doŋ olakorowa oko i balwa, kite ame kica mere dwoŋ kede,

⁸ame en omiowa abup meicel. Pi ryeko mere kede pi niaŋŋere luŋ,

⁹en oyabbiwa muŋ me mittere, kun lubo yikkere aber a rik en oyiko me co bo i kom Kricito.

¹⁰Yik Obaŋa ame ebino cobo ka kare mere oromo, en me coko ginaketa luŋ aluŋa ame tye i polo kede i wi lobo, noto karacel i Kricito.

¹¹Pien jami luŋ otiye kun lubo tam Obaŋa kede mittere. En oyerowa i Kricito pi tammere, me wan obed jo mere, kun nwoŋo rik en oyiko con ni,

¹²wan jo a rik ogeo bedo kede gen i kom Kricito myero omi jo pak kwogo mere.

¹³Wun daŋ i Kricito rik iwinyo wunu kop me ateni, ame en amut aber me larrewu. Wun daŋ iye wunu en, eka ote miyowu Cuny Acil a rik ociko pire me bed acalo anennere ame omwono i komwu.

¹⁴En ajeŋ me gin a wan obino nwoŋo i kare Obaŋa bino lakoro jo mere ikome, jo te pako kwogo mere.

¹⁵Man en omio, geye ame awinyo pi iyeewu i kom Rwotwa Yecu, kede marwu baŋ jo Obaŋa luŋ,

¹⁶mom aweko pwoyo Obaŋa pirwu, kun akobo nyiŋwu daŋ i kwacca.

¹⁷Akwao Obaŋa won kwogo ame papa a Rwotwa Yecu Kricito, me miwu cuny me ryeko, dok daŋ oyab ŋecwu i kome.

¹⁸Dok daŋ en meny tamwu, me iniaŋ wunu i kom gen ame olwoŋowu iye, kede i kom mot me kwogo adwoŋ, ame en mio baŋ jo mere me doŋ bed megi atwal;

¹⁹dok daŋ me iniaŋ wunu i kite ame teko mere adwoŋ meicel a mom pimere tye ka tic kede i yiwa, wan jo ame oye Yecu. Man rom aroma kede tic atek meicel me twerrere

²⁰a rik ocero kede Kricito i akina a jo oto, te cibe bedo i kabedo me kwogo i laŋete tuŋ cem i polo.

²¹En doŋ tye malo, loo kwon loc kede twer kede teko kede dito luŋ ame tye i polo, kede nyiŋŋoro ame orwo i lobo me kare man kede en a bino ca;

²²Obaŋa doŋ oketo jami luŋ aluŋa i te twer a Kricito, me en lo, dok omie baŋ lwak jo oye en, me en bed acalo awie kun loo jami bec abeca.

²³Lwak jo oye Kricito obedo kom Kricito, opoŋ daŋ kede Kricito, Kricito daŋ Opoŋ i jami luŋ aluŋa.