Read lango Yocwa 12 Bible Online

Yocwa 12 - lango bible

Yocwa 12

¹Magi gin rwode ame rik tye i lobo ame rik jo Icrael oloo, eka ote leyo lobogi i ne Jordan tuŋ kide, anaka i luŋ me Aŋon tuno kede i kidi me Kermon, karacel kede Araba tuŋ kide luŋ:

²Cikon abaka a jo Amor ame onwoŋo bedo Kecbon, kun loccere cakere i Areor ame tye i dog luŋ me Amnon, kede dok cakere i dye luŋ tuno kede i kulo me Jabok, ame en wan lobo a jo Ammon, man nucu lobo me Gilead,

³kede dok cakere i Araba tuno i nam me Kinerot tuŋ kide, kede tuŋ Bet-yecimot tuno kede i nam me Araba, ame en Nam me Kado dok kede ŋtutuŋ anyarolum tuno kede i kidi me Piciga.

⁴Kede dok abaka me Baca, en ŋat acel i akina jo odoŋ i kom jo Repa, ame bedo i Aciterot kede Edrei,

⁵kun loo kidi me Kermon, kede Caleka kede Bacan luŋ tuno kede i waŋ lobo a jo Gecur kede Maaka, kede nucu lobo Gilead tuno kede i waŋ lobo a Cikon abaka ame bedo Kecbon.

⁶Muca amiro a Rwot te miyo lobo-nono luŋ baŋ jo Reuben, jo Gad kede nucu atekere a jo Manace, me bedo megi.

⁷Magi gin rwode ame lobo-nono ame Yocwa karacel kede jo Icrael oloo i ŋe Jordan tuŋ to, cakere i Baal-gad me Lebanon tuno i kidi me Kalak ame otiŋere odok tuŋ Ceir; doŋ daŋ Yocwa te miyo lobogi-nono baŋ atekere me Icrael, me bedo megi, kun wopo kite ame onwoŋo opokkigi kede,

⁸i lobo ame obedo kidikidi, i lobo a piny i Araba, i lobo ame otiŋere, i tim kede i Negeb, lobo a jo Kitti, jo Amor, jo Kanaan, jo Periji, jo Kivi kede jo Jebuc:

⁹rwot me Jeriko, rwot me Ai, ame tye i ŋet Betel;

¹⁰rwot me Jerucalem, rwot me Kedron,

¹¹rwot me Yarmut, rwot me Jerucalem,

¹²rwot me Eglon, rwot me Gejer,

¹³rwot me Debir, rwot me Geder;

¹⁴rwot me Korma, rwot me Arad;

¹⁵rwot me Libna; rwot me Adullam,

¹⁶rwot me Makkeda, rwot me Betel;

¹⁷rwot me Tappuak, rwot me Keper;

¹⁸rwot me Apek, rwot me Lacaron;

¹⁹rwot me Madon, rwot me Kajor;

²⁰rwot me Cimron-meron, rwot me Akcap;

²¹rwot me Taanak, rwot me Megido;

²²rwot me Kedec, rwot me Yokneam i Karmel;

²³rwot me Dor i Napat-dor, rwot me Goyim i Galilaya;

²⁴rwot me Tirja: gin luŋ rwode pyeradek wie acel.