Read lango Yocwa 15 Bible Online

Yocwa 15 - lango bible

Yocwa 15

¹Lobo ame opokki atekere a Juda kede kwir, kun lubere i doggolagi, ogik tuŋ anyarolum i waŋ lobo me Edom, i agikki tim me Jin tuŋ anyarolum.

²Waŋ lobogi tuŋ anyarolum ocakere i agikki me nam me Kado, i gul nam ame nen i tun anyarolum.

³Eka te dok malo tuŋ anyarolum, i tur me Akrabim, te kato Jin, yito kede naka i Kadec-barnea tun anyarolum, i ŋet Kejron, naka i Addar, te dok wirre doŋ tun Karka;

⁴te kato Acimon, naka i ŋet kulo me Miciri, te wot gik i nam. Man bino bedo waŋ lobo ame tye tuŋ anyarolum.

⁵Wan lobo i tutuŋ kide obedo nam me Kado, naka tuno kede i agikki me Jordan. Waŋ lobo tun anyarodi ocakere i gul nam ame tye i agikki me Jordan;

⁶waŋ lobo te kato naka i Bet-kogla, tutuŋ anyarodi me Bet-araba; te wot tuno naka i kiddi a rik Boan wot a Reuben ocibo.

⁷Eka dok te wot Debir kun cakere i luŋ me Akor, medde kede tun anyarodi, te dok lokere dok tun Gilgal ame tye i nyim tur me Adummim, i luŋ tutuŋ anyarolum; waŋ lobo te dok kato naka i pi i Encemec te gik i Ecrogel;

⁸eka waŋ lobo te dok kato i luŋ me Jerucalem. Waŋ lobo te yito i wi kidi ame otiŋere i luŋ me Kinnom, tuŋ to, tuno kede i agikki me luŋ me Repaim, i tutuŋ anyarodi.

⁹Waŋ lobo dok te kato kun cakere i wi kidi tuno kede i akoŋ me Neptoak, i kuno dok te kato naka i boma ame tye i kidi me Epron. Waŋ lobo dok te wirre dok tutuŋ Baala, ame en Kiriat-yearim.

¹⁰Waŋ lobo dok te mano i tuŋ to me Baala te wot tuno i kidi Ceir, kun kato naka i Kir i kidi tuŋ anyarodi me kidi me Yearim, ame en Kecalon, te dok piny tuŋ Bet-cemec, kun beo i ŋet Timna.

¹¹Waŋ lobo dok te wot i kor kidi tutuŋ anyarodi me Ekron, kun dok manne dok i Cikkeron, te wot tuno i kidi me Baala, kato Yabneel, kun gik i nam.

¹²Waŋ lobo i tuŋ to olubo dog Nam Adwoŋ. Man en waŋ lobo ame oguro Juda kun lubo doggola.

¹³Kite a rik Rwot ociko kede, Yocwa opokki Kaleb wot a Jepunne lobo mere i akina jo Juda, Kiriat-arba, ame en Kebron; Arba rik obedo pappa Anak.

¹⁴Kaleb oryemo itino Anak adek i kuno, Cecai, Akiman kede Talmai ikwae Anak.

¹⁵Cakere i kuno te wot lweny i kom jo ame bedo i Debir; nyiŋ Debir rik onwoŋo Kiriatceper,

¹⁶Kaleb te kobo ni, “Ŋat ame bino lweny i kom Kiriat-ceper, te mayo, abino miye nyara Akca me bedo dako mere.”

¹⁷Ontiel wot a Kenaj omin a Kaleb te mayo, eka en te miye nyare Akca me bedo dako mere.

¹⁸Ka nyako obino baŋe, en odio cware me kwayo poto baŋ pappere; en te ya i wi kana mere, Kaleb te kobbe ni, “Imito kara ŋo?”

¹⁹En te dok iye ni, “Mia mottoro, kite acalo yin doŋ iketa i lobo me Negeb, mia akoŋŋoro.” Kaleb te miye akoŋ i malo kede en i piny.

²⁰Man en lobo ame jo Juda onwoŋo me bedo megi, kun lubo doggolagi,

²¹Boma a Juda i tuŋ anyarolum agikki mere ceggi i waŋ lobo a jo Edom, gin rik ene: Kabjeel, Eder, Jagur,

²²Kina Dimona, Adada,

²³Kedec, Kajor, Itanan,

²⁴Jip, Telem, Bealot,

²⁵Kajorkadata, Keriot-kejeron, ame en Kajor,

²⁶Amam, Cema, Molada,

²⁷Kacergadda, Kecmon, Bet-pelet,

²⁸Kacarcual, Beerceba, Bijiotia,

²⁹Baala, lim, Ecem,

³⁰Ettolad, Kecil, Korma,

³¹Ciklag, Madmanna, Cancanna,

³²Lebaot, Cilkim, Ain gin kede Rimmon; boma luŋ pyeraryo wie aboŋwen kede pacci ame i ŋetgi.

³³I lobo ame tye tuŋ piny tye Ectaol, Cora, Acna,

³⁴Jonoa, En-gannim, Tappua, Enam,

³⁵Jarmut, Adullam, Coko, Ajeka,

³⁶Caaraim, Aditaim, Gedera, Gederotaim; boma luŋ apar wie aŋwen kede pacci ame tye i ŋetgi.

³⁷Cenen, Kadaca, Migdalagad,

³⁸Dilean, Mijpe, Yoktcel,

³⁹Lakic, Bockat, Eglon,

⁴⁰Kabbon, Lakmam, Kitlic,

⁴¹Kederot, Bet-dagon, Naama kede Makkeda; boma luŋ apar wie abicel kede pacci ame tye i ŋetgi.

⁴²Libina, Eter, Acan,

⁴³Ipta, Acna, Nejib,

⁴⁴Keila, Akijib, kede Mareca; boma luŋ aboŋwen kede pacci ame tye i ŋetgi.

⁴⁵Ekron karacel kede boma mege luŋ kede pacci mege;

⁴⁶cakere i Ekron wot kede i nam, boma luŋ ame tye i ŋet Acidod kede pacci ame tye i ŋetgi.

⁴⁷Acidod karacel kede boma mege luŋ, kede pacci mege; Gaja karacel kede boma mege luŋ kede pacci mege, tuno naka i kulo me Miciri kede i dog Nam Adwoŋ.

⁴⁸I lobo ame obedo kidikidi, Camir, Yattir, Coko,

⁴⁹Danna, Kiriat-canna, ame en Debir,

⁵⁰Anab, Ectemo, Anim,

⁵¹Gocen, Kolon kede Gilo; boma luŋ apar wie acel kede pacci ame tye i ŋetgi.

⁵²Arab Duma Ecan,

⁵³Jamim, Bet-tappuak, Apeka,

⁵⁴Kumta, Kiriat-arba, ame en Kebron, kede Cior; boma luŋ aboŋwen kede pacci ame tye i ŋetgi.

⁵⁵Maon, Karmel, Jip, Yutta,

⁵⁶Jejreel, Jokdeam, Janoak,

⁵⁷Kain, Gibea kede Timna; boma luŋ apar kede pacci ame tye i ŋetgi.

⁵⁸Kalkul, Bet-cur, Gedor,

⁵⁹Maarat, Bet-anot kede Eltekon; boma luŋ abicel kede pacci ame tye i ŋetgi.

⁶⁰Kiriat-baal, en Kiriat-yearim, kede Rabba; boma luŋ aryo kede pacci ame tye i ŋetgi.

⁶¹Eka i tim te bedo iye, Bet-araba, Middin, Cekaka,

⁶²Nibcan, boma me Kado kede En-gedi; boma luŋ abicel kede pacci ame tye i ŋetgi.

⁶³Cite jo Juda onwoŋo mom romo ryemo jo Jebuc, ame gin jo ame bedo i Jerucalem, mannono omio jo Jebuc pwod bedo karacel kede jo Juda i Jerucalem naka atot tin.