Read lango Yocwa 16 Bible Online

Yocwa 16 - lango bible

Yocwa 16

¹Lobo ame opoko i baŋ i kwae a Yucepu me bedo megi ocakere i Jordan i ŋet Jeriko, ame tye tuŋ kide me pii me Jeriko, te kato i tim, kun oya i Jeriko owoto naka i lobo obedo kidikidi tuno naka i Betel.

²Icennere dok te ya i Betel, te wot Luj, kato naka Atarot, ame en lobo a jo Arki.

³Eka te dok kato piny tuŋ to tuno kede i lobo a jo Japelit, te kato naka i lobo me Bet-koron Tuŋ Piny naka i Gejer, eka te gik i nam.

⁴Manace kede Epraim ame gin jo a Yucepu gin onwoŋo lobo me bedo megi.

⁵Lobo ame opokki jo Epraim kun lubere i doggolagi, onwoŋo tye kit man: waŋ lobogi i tuŋ kide obedo Ararot-addar wot kede Bet-koron Tuŋ Malo.

⁶Cakere i kuno waŋ lobo te wot i nam, kun weko Mikmetat i tuŋ anyarodi; eka i tuŋ kide, wan lobo te dok mano i tuŋ Taanat-cilo, te kato i ŋete tuŋ kide, wot kede i Janoak.

⁷Eka i Janoa te kato Atarot kede Naara, tuno naka i Jeriko kun gik i Jordan.

⁸Cakere i Tappuak, waŋ lobo te wot tuŋ to tuno i kulo Kana, kun gik i nam. Man en lobo ame jo Epraim onwoŋo me bedo megi, kun lubo doggolagi,

⁹karacel kede boma luŋ ame oweko pi jo Epraim i dye lobo ame Manace onwoŋo me bedo megi, boma-nogo luŋ kede paccigi luŋ ame tye i ŋetgi.

¹⁰Cite mom oryemo jo Kaanan ame bedo i Gejer; mannono omio jo Kanaan obedo i akina jo Epraim tuno naka atot tin, cite gin odoko opii kun otio tic apek.