Read lango Yocwa 20 Bible Online

Yocwa 20 - lango bible

Yocwa 20

¹Rwot ociko Yocwa ni,

²“Kobbi jo Icrael ni, ‘Yer wunu boma mogo me larre ame rik akobo pirgi baŋwu kun amio Muca kobo,

³me wek dano ame oneko ŋattoro kun mom oŋeo onyo mom oneko me akaka, en twero riŋo laro kuno. Boma-nogo bino bedo kan ame ibino larre wunu iye i ciŋ ocul kwor me remo.

⁴En bino riŋo i boma moro acel i akina magi, te wot cuŋ i doggola me dogcel me boma-nono, eka te tito koppere baŋ odoŋe me bomanono; gin bino tere i boma te wot miye kabedo, en doŋ te bedo kedgi.

⁵Ka ce acul kwor me remo oryemo yore, mom obino miyo lon oneko dano-ni baŋe, pien nwoŋo rik mom gire oneko me akaka, pien rik mom onwoŋo dage con.

⁶En myero bed i boma-nono tuno waŋ ame en ocuŋ i nyim lwak pi ŋolo koppere, tuno ka alamdog adwoŋ me kare-nono oto. Icennere anek doŋ twero dok i boma mere ame yam eriŋo iye.’ ”

⁷Gin rik te poko boma magi: Kadec ame tye Galilaya, i lobo a jo Naputali ame obedo kidikidi, kede Cekem i lobo Epraim ame obedo kidikidi, kede Kiriat-arba ame en Kebroni, i lobo a jo Juda ame obedo k idikidi.

⁸Aco i ŋe Jordan loka i tuŋ kide gin te yero Bejer ame tye i tim i lobo otiŋere opette me atekere a Reuben, kede Ramat ame tye i Gilead iyi atekere a Gad, kede Golan ame tye i Bacan iyi atekere a Manace.

⁹Magi gin boma ame ociko pi jo Icrael luŋ, kede pi orok ame bedo i akinagi, me wek ka ŋattoro oneko dano kun mom oneko me akaka, twero riŋo iye, me ocul kwor me remo kur neke oko, tuno ka en ocuŋ i nyim lwak.