Read lango Yocwa 21 Bible Online

Yocwa 21 - lango bible

Yocwa 21

¹Eka odoŋe ame loo doggola a kwaro a jo Levi te bino baŋ Eleajar alamdog kede Yocwa wot a Nuni kede baŋ odoŋe ame loo doggola a kwari a jo Icrael,

²gin te kobo baŋgi jo Cilo i lobo Kanaan, ni, “Rwot rik ociko kun omio Muca okobo ni myero miwa boma me bedowa kede bar ame tye i ŋetgi me kwayo dokwa.”

³Pi mannono, gin a Rwot ociko omio jo Icrael opokki jo a Levi lobo magi i akina megi ame gin onwoŋo.

⁴Kwir ame obolo opoto i kom doggola a Kokat. Pi mannono jo Levi ame onwoŋo obedo i kwae Aron alamdog ikokome kwir omiogi onwoŋo boma apar wie adek i baŋ atekere a Juda, Cimeon, kede Benjamin.

⁵Aco jo me doggola a Kokat odoŋŋere te nwoŋo boma tomon i baŋ doggola me atekere Epraim, atekere a Dan kede i baŋ nucu atekere a Manace.

⁶Kwir omio jo Gercon onwoŋo boma apar wie adek i baŋ doggola me atekere Icakar, atekere Acer, kede atekere a Naputali, kede i baŋ nucu atekere a Manace ame tye i Bacan.

⁷Jo Merari kun lubo doggolagi, gin onwoŋo boma apar wie aryo i baŋ atekere a Reuben, atekere a Gad, kede atekere a Jabulon.

⁸Boma magi kede bar me kwatgi, jo Icrael omio i kwir baŋ jo Levi, kite ame Rwot ociko kede Muca.

⁹I akina atekere a Juda kede atekere a Cimeon gin omio boma magi ame otuco nyiŋgi,

¹⁰ame ikwae Aron en otero, ame obedo doggola acel i akina jo Kokat ame rik jo Levi, pien kwir rik ogeo poto i komgi.

¹¹Rik omiogi Kiriat-araba, Araba obedo papa Anak, ame en Kebron, i lobo a jo Juda ame obedo kidikidi, karacel kede bar me kwat luŋ ame oguro.

¹²Cite potti luŋ ame tye i boma-nono kede pacci ame tye i ŋete onwoŋo omio baŋ Kaleb wot a Japunne me bedo mege.

¹³Eka baŋ ikwae Aron alamdog ote miyo Kebron, ame en boma ame anek laro, kede bar me kwattere, Libina kede bar me kwattere.

¹⁴Jattir kede bar me kwattere, Ectemoa kede bar me kwattere,

¹⁵Kolok kede bar me kwattere, Debir kede bar me kwattere,

¹⁶Ain kede bar me kwattere, Jutta kede bar me kwattere, Betceme kede bar me kwattere, boma magi aboŋwen i baŋ atekere aryo.

¹⁷Eka i baŋ Benjamin ote miyo Gibeon kede bar me kwattere.

¹⁸Geba kede bar me kwattere, kede Almon kede bar me kwattere; boma aŋwen.

¹⁹Boma olamdog ame gin ikwae Aron te bedo gin luŋ boma tomon wie adek kede bar me kwatgi.

²⁰Aco jo Kokat odoŋŋere, ame gin jo me doggola a jo Levi, boma luŋ ame kwir rik omako pirgi rik oya i kom me atekere Epraim.

²¹Gin rik omiogi Cekem, boma ame anek laro, kede bar me kwattere i lobo Epraim ame obedo kidikidi, Gejer kede bar me kwattere.

²²Kibjaim kede bar me kwattere, Betkoron kede bar me kwattere, boma aŋwen.

²³Eka i kom me atekere a Dan ote miyo Elteke, kede bar me kwattere.

²⁴Aijalon kede bar me kwattere, Gatrimmon kede bar me kwattere, Gibbeton kede bar me kwattere, boma luŋ aŋwen,

²⁵Eka dok i kom me nucu atekere a Manace ote miyo Taanak kede bar me kwattere kede Gat-rimmon kede bar me kwattere, ducu boma aryo.

²⁶Boma me doggola a jo Kokat odoŋŋere rik te bedo ducu tomon kede bar me kwatgi.

²⁷Aco boma a jo Gercom, ame obedo doggola acel i akina jo Levi, megi omio i kom me nucu atekere a Manace, omiogi Golen ame tye i Bacan kede bar me kwattere, boma ame anek laro, kede Be-ectera kede bar me kwattere, boma aryo.

²⁸Eka i kom me atekere Icakar te miyo Kicion kede bar me kwattere, Daberat kede bar me kwattere,

²⁹Jarmut kede bar me kwattere, En-gannim kede bar me kwattere; boma aŋwen.

³⁰Eka dok i kom me atekere Acer ote miyo Mical kede bar me kwattere, Abdon kede bar me kwattere,

³¹Kelkat kede bar me kwattere, Rekob kede bar me kwattere, boma aŋwen.

³²Eka dok i kom me atekere a Naputali ote miyo Kedec ame tye i Galilaya, kede bar me kwattere, boma ame anek laro, Kammatdor kede bar me kwattere, kede dok Kartan kede bar me kwattere, boma adek.

³³Boma a jo Gercon, kun lubo kite a doggolagi tye kede, te bedo ducu apar wie adek kede bar me kwatgi.

³⁴Baŋ jo Levi odoŋŋere, ame gin jo me doggola a Merari, gin omiogi i kom me atekere a Jabulon, omiogi Jokneam kede bar me kwattere, Karta kede bar me kwattere,

³⁵Bimna kede bar me kwattere, Naalal kede bar me kwattere; boma aŋwen.

³⁶Eka ibaŋ atekere a Reuben ote miyo Bejer kede bar me kwattere,

³⁷Kedemot kede bar me kwattere, karacel kede Mepat kede bar me kwattere; boma aŋwen.

³⁸Eka dok i kom me atekere a Gad ote miyo Ramot ame tye i Gilead kede bar me kwattere, boma ame anek laro, Maanaim kede bar me kwattere,

³⁹Kecbon kede bar me kwattere, Jajer kede bar me kwattere, gin ducu ote bedo boma aŋwen.

⁴⁰Aco boma ame omio baŋ jo a Merari, ame en doggola a Levi odoŋŋere, kun lubo kite a doggolagi tye kede, boma luŋ ame kwir omako pirgi obedo apar wie aryo.

⁴¹Boma a jo Levi luŋ ame onwoŋo tye i akina lobo ame obedo me a jo Icrael, gin luŋ rik oromo boma pyeraŋwen wie aboro kede bar me kwatgi,

⁴²Boma acel acel i kom magi onwoŋo tye kede bar me kwattere i ŋete kannono; mannono onwoŋo tye pi boma magi luŋ.

⁴³Mano en kite ame Rwot omio kede jo Icrael lobo luŋ ame rik ekwoŋo me miyo baŋ kwarigi; i kare ame gin doŋ ogamo odoko megi, gin obedo iye.

⁴⁴Rwot doŋ te miyogi weo tuŋŋi i tuŋŋi kite ame rik okwoŋo kede baŋ kwarigi. Dano moro acel i akina okwor luŋ mom ocuŋ i nyimgi, pien Rwot onwoŋo doŋ omio okworgi luŋ i ciŋgi.

⁴⁵I kom cikere luŋ abeco ame Rwot rik ociko baŋ doggola Icrael mom tye dano moro acel iye ame oweko a mom ocobo; gin luŋ obin ocobere.