Read lango 2 Jo Tecalonika 3 Bible Online

2 Jo Tecalonika 3 - lango bible

2 Jo Tecalonika 3

¹Omegowa, me agikki mere, kwa wunu Obaŋa pirwa, me wek kop a Rwot oriŋ olal piopio, jo ket iye kwogo acalo otimere daŋ i akinawu.

²Dok daŋ miwa olarre i baŋ jo areco, a kitegi oballe; pien jo luŋ mom tye kede iyee.

³Rwot genne, en bino miyowu teko, dok bino gwokowu i baŋ Arac[1].

⁴Dok Rwot omio wan daŋ otye i gen i komwu ni, itye wunu ka timo gin a nwaŋ ocikowu iye, dok daŋ ibino medde wunu tiyo.

⁵Rwot myero tel cunywu naka i mar Obaŋa kede i diyo cuny a ya i baŋ Kricito.

⁶Omegowa, doŋacikowu i nyiŋ Rwotwa Yecu Kricito ni, pokere wunu oko kede ominwu moro ame bedo wirre balo kare nono aboŋo ticcoro, kun mom lubo kite a myero ame imako wunu i baŋwa.

⁷Wun ikomwu iŋeo wunu kite a myero ipotto wunu kede kitewa. I kare a nwaŋ wan otye baŋwu, mom obedo balo kare nono.

⁸Wan rik mom ocamo cam a ŋattoro aboŋo culo, ento ocanne i tic dyewor kede dyeceŋ me wek kur oket peko i kom ŋattoro i akinawu.

⁹Mom ni pien wan omom i twer, ento wan omiye giwa kenwa me obed anen me alubawu.

¹⁰Pien i kare a rik otye baŋwu, omiowu cikwa ni, ŋat okwero tic myero mom cem gire.

¹¹Owinyo ni jo mogo i akinawu bedo wirre balo kare nono; mom otio, ento oridde i tic ajo ocele.

¹²Ociko kodi jo-nono, dok obako dogwa baŋgi i Rwot Yecu Kricito ni, myero gin ti ticgi mot, me wek ŋat acel acel pitte gire kene.

¹³Omegowa, mom iol wunu tiyo gin aber.

¹⁴Ka ŋattoro okwero lubo gin ocoo i waraga man, myero iniaŋ wunu i kom dano-nono, mom iribere wunu kede, me lewic make.

¹⁵Kur itere wunu acalo akwor, ento juke wunu acalo ominwu.

¹⁶Rwot won kuc, en ikome omiwu kuc i kare ducu i yore luŋ. Rwot obed i wun luŋ.

¹⁷An Paulo acoo amot man kede ciŋa an ikoma. Man anen i waragana ducu; acoo kite-ni.

¹⁸Winyo a Rwotwa Yecu Kricito obed kedwu ducu.