Read lango 1 Temoteo 2 Bible Online

1 Temoteo 2 - lango bible

1 Temoteo 2

¹Doŋ me agege aciki ni, bako dog, kwayo Obaŋa, kwae pi jo ocele, kede pwoc, myero timere pi jo luŋ,

²pi rwode kede jo a tye i rwom a malo, me wan obed mot aboŋo ayela, a kun oworo Obaŋa dok kitewa beco i yore luŋ.

³Man ber, Obaŋa Alarwa daŋ pwoo.

⁴En mito laro jo luŋ, dok mito ni jo luŋ ŋe kop ateni.

⁵Pien Obaŋa gire tye acel, Anot Obaŋa kede dano daŋ tye acel, ame daŋ rik obedo dano, en Kricito Yecu,

⁶ame omiye kene me bedo gi-Iakoro jo luŋ; mano en caden ame omio i kare ikome.

⁷Pi man, oketa me bedo arab kop kede akwena, (akobo kop ateni, goba mom iye), apwony Orok, iyi iyee kede kop ateni.

⁸Man omio amito ni co myero kwa Obaŋa i kabedo luŋ, kun otiro ciŋgi acil malo aboŋo akemo onyo daa.

⁹Kit-enno, mon myero rukere aber kede mwolo, kun ogwokere, mom i yer okedo, onyo i jabu, onyo tigo, onyo rukkogo me wel amalo;

¹⁰ento bergi myero nen i tic aber ame gin tio, mano en gin a mitte baŋ mon ame lwoŋere kengi ni gin jo a woro Obaŋa.

¹¹Dako myero pwonyere liliŋ kede winy.

¹²Mom ayeyi dako me pwony onyo bedo i twer i kom co; en myero lin aliŋa.

¹³Pien Adam rik en ame ogeo cweyo, eka ote cweyo Kawa.

¹⁴Dok Adam rik mom obwolo, ento obwolo dako, eka te geyo kalo wi cik.

¹⁵Kadi bed amanno, dako bino bwot i kare me nywal, ka ce en omedde bedo i iyee kede mar, dok bedo acil kun gwokere.