Read lango Jo Eburania 13 Bible Online

Jo Eburania 13 - lango bible

Jo Eburania 13

¹Medde wunu i marre kenwu kenwu acalo omego.

²Wiwu kur wil i jolo wele, pien jo mogo a rik obedo i kodi cunnyono rik obin ogwoko omalaika i paccigi kun mom oŋeo.

³Po wunu pi jo a tye i buc kom bala itye wunu kedgi i buc kuno. Po wunu daŋ pi jo ame otimo cucu, kite acalo wun daŋ itye wunu i kom.

⁴Nyom myero jo luŋ ket iye kwogo, dok itanda a jo onyomere myero wor bed acil; pien Obaŋa bino ŋolo kop i kom otim tim me coco kede jo abalo nyomgi.

⁵Kur i bed wunu omar lim; jami ame itye wunu kede myero romwu, pien Obaŋa rik okobo ni, “Mom abino boli, mom abino weki ata.”

⁶En omio cunywa tek, kun okobo ni, “Rwot en akony mera, mom abino bedo i lworo; ŋo kara a dano twero tima kede?”

⁷Po wunu i kom otelwu acon, ame rik gin orabbiwu kop Obaŋa. Tam wunu pi kwogi kede gin aber ame oya iye, eka ite wapo wunu iyeegi.

⁸Yecu Kricito kite gire acel keken aworo, tin kede waŋ i waŋ.

⁹Kur imi wunu pwonnyogo apapat dok awelo rwenywu oko; ber kica Obaŋa en a mi cunywa teko, mom cemmogo ame jo ona iye daŋ mom onwoŋo iye konnyoro.

¹⁰Wan otye kede keno me lam ame otic i kema acon ca mom tye i twerroro me cem iye.

¹¹Pien leyi ame alamdog adwoŋ tero remogi i kabedo acil me bed gin ame oŋolo pi bal, komgi rik owaŋo oko teŋe i ŋe gony.

¹²Amannono daŋ Yecu rik oto teŋe i ŋe idogcel, me wek elony jo bed acil i remo mere en ikome.

¹³Doŋ pi man myero wan owot wunu baŋe oko i ŋe gony, kun okanyo wunu acae pire;

¹⁴pien kan wan mom otye i boma moro ame perakino, ento otye oyenyo boma a bino anyim.

¹⁵Ber doŋ omi wunu pakwa baŋ Obaŋa i kare luŋ acalo gin ame oŋolo me yalo Obaŋa, kun obeo wunu i baŋ Yecu; mano en pwoc ame omio i dogwa ka otuco nyiŋe.

¹⁶Kur wiwu wil i timo gin aber kede i poko gin itye wunu kede baŋ jo ocele, pien kodi mot aŋola acalo mannono yomoro yi Obaŋa.

¹⁷Winy wunu dog otelwu, dok imiye wunu i te locgi, pien gin tye a gwoko tipowu aboŋo weo acalo jo ame Obaŋa bino penyogi pi ticgi. Mi wunugi oti ticgi kede lelo, kun mom imiogi wunu peko, pien mano gire mom konyowu kadi acelloro.

¹⁸Kwa wunu Obaŋa pirwa, pien wan oŋeo ateni ni cunywa ler gire, kun omito tiyo gin a tye aber i kare luŋ.

¹⁹Amedo cukoro cunywu atek ni ikwa wunu Obaŋa, me ru dwoggo an baŋwu oyot.

²⁰Obaŋa won kuc ame ocero Rwotwa Yecu Kricito i akina a jo oto, ame en akwat adwoŋ me rommi, pi remo me cikere ame perakino odoco,

²¹en Obaŋa myero omiwu gin luŋ abeco a mitte, me icob wunu gin a en mito; dok daŋ pi Yecu Kricito myero en ti kedwa gin a yomoro yie. Kwogo bed baŋ Yecu Kricito nakanaka. Amen.

²²Omegona, akwaowu, di wunu cunywu i koppa ame acoo anonokkoroni ame acukoro kede cunywu.

²³Myero iŋe wunu ni, ominwa Temoteo doŋ ogonyo oko; abino nenowu wan kede, ka ce en oru bino.

²⁴Mot wunu otelwu luŋ, kede jo Obaŋa daŋ luŋ. Jowa ame oya i Itali omotowu.

²⁵Winyo Obaŋa bed kedwu ducu.