Read lango Jo Eburania 3 Bible Online

Jo Eburania 3 - lango bible

Jo Eburania 3

¹Doŋ ba, wun omegona acil ame Obaŋa olwoŋowu karacel keda, doŋ itam wunu i kom Yecu ame en akwena kede alamdog adwoŋ me iyee a wan otuco.

²En obedo agen baŋ Obaŋa ame okete i tic, a rom aroma i Muca ame rik obedo agen i ot Obaŋa luŋ.

³Ager ot omio kwogo adwoŋ akato ot; amannono daŋ Yecu obin okwano ni kwogo mere dwoŋ kato mea Muca.

⁴Pien ottoro keken, dano en agero, ento ager jami luŋ obedo Obaŋa.

⁵Muca rik obedo agen i ot Obaŋa luŋ acalo atic, me miyo caden i kop ame rik obedo agen i ot Obaŋa luŋ.

⁶Ager ot omio kwogo loyo ot Obaŋa acalo atinnere. Ode-nono en wan, ka ce wan omoko atek i tekcunywa kede ŋatetwa ame obino pi gen a wan otye kede.

⁷Doŋ acalo Cuny Acil okobo, “Ka iwinyo wunu dwon Obaŋa tin,

⁸kur imi cunywu bed anwaŋ bala jo a rik ojem, i kare ame gin oomo kede yia i tim,

⁹kan ame kwariwu oomo kede yia, otema iye, kun obedo neno ticca pi mwakki pyeraŋwen,

¹⁰Pi mano cunya owaŋ i kom jo me kare-nono, ate kobo ni, ‘Gin didik ogak oko i tamgi; gin mom oniaŋ i kom yo mera.’

¹¹Acalo rik akwoŋo i akemona, ‘Gin mom bino donyo i weo baŋa.’ ”

¹²Gwokere wunu, omegona, me atot ya ŋattoro i akinawu kur bed i cuny arac, cunya mom ye Obaŋa, ame twero miye ya oko i kom Obaŋa akwo.

¹³Ento myero ijiŋ wunu cunywu kenwu nino luŋ ka pwod otwero lwoŋo ni, “tin”, me ŋattoro i akinawu kur cunye dok anwaŋ pi abwole me bal.

¹⁴Pien wan obedo jo ame onotte kede Kricito, ka ce wan omoko atek i genwa me agege ituno i agikki,

¹⁵acalo rik okobo ni, “Ka iwinyo wunu dwone tin, kur imi cunywu bed anwaŋ balajo a rik ojema.”

¹⁶Ŋagi ce a rik owinyo dwon Obaŋa, eka ote jem oko-nono? Mom gin lwak jo luŋ a rik oya i lobo Miciri a kun Muca atelogi?

¹⁷Dok ŋagi ce a rik yie owaŋ kedgi pi mwakki pyeraŋwen? Mom gin jo a rik obin obalo, ame komgi te doŋ i tim?

¹⁸Dok baŋ jo mene ce ame en rik obin okwoŋo ni, gin mom bino donyo i weo baŋe? Mom obedo baŋ jo a rik mom obedo owiny?

¹⁹Pi mano wan oneno ni, jo-nono rik mom otwero donyo pien gin okwero ye oko.