Read lango Jo Eburania 7 Bible Online

Jo Eburania 7 - lango bible

Jo Eburania 7

¹Melkijadek man rik obedo rwot me Calem, dok daŋ alamdog Obaŋa Amalo Meicel. En orwatte gin i Iburaim i kare ame Iburaim onwoŋo adwogo i neko rwode ca, te lammi Iburaim winyo;

²eka Iburaim te pokke dul acel me apar me jami luŋ ame enwoŋo. Me agege en “rwot me kite atira”, pien man te kop me nyiŋe, dok daŋ en rwot me Calem, ame te koppere, “rwot me kuc”.

³Pappere moro mom, tottere-gu daŋ pe, kwari mege mom, ageyi me kare mere, anaka agikki me kwo mere daŋ pe. En cal kede Wot Obaŋa, obedo alamdog nakanaka.

⁴Koŋ inenu kite a rik en dit kede! Iburaim ame en kwarowa acon omie dul acel me apar me gin ame oyako.

⁵Doŋ jo i akina ikwae a Levi ame obedo olamdog, cik a Muca rik ocikogi me rayo dul acel me apar i baŋ jo Icrael. Mano nwoŋo gin orao i baŋ omegogi, kadi bed gin daŋ obedo ikwae Iburaim.

⁶Ento dano-ni ame pe kwaro mere acel kedgi ogamo dul acel me apar i baŋ Iburaim, eka te lamo winyo i kom ŋat ame Obaŋa ocikere baŋe.

⁷Mom dok tye akalakala me kobo ni, alam-winyo dit kato ŋat a en olamo winyo i kome.

⁸Dok tuŋ cel oneno ni, jo a rao dul acel me apar gin jo ame to oko, cite tuŋ cel ŋat a rao en ŋat ame coc a rik ocoo otito pire ni pwod kwo.

⁹Anaka otwero kobo ni, ka Iburaim omio dul acel me apar, Levi daŋ ame ikwae gin ame rao dul acel me apar, rik omio mere,

¹⁰pien i kare ca en rik pwod tye iyi kom kwaro mere, i kare ame Melkijadek rwatte kede ca.

¹¹Doŋ ka kono gin ducu twero cobere kakare pi olamdog ame gin jo Levi, ame jo Icrael rik onwoŋo cik Obaŋa karacel kedgi-ni, piŋo dok mitte ni alamdog ocele dok pello i kite a Melkijadek, kun mom okobo ni, i kite a Aron?

¹²Aco ka alamdog doŋ olo ko, cik daŋ myero dok lok oko.

¹³Pien Rwotwa ame okobo kop magi i kome obedo dano me atekere ocele, ame ŋattoro i kingi mom ru otio ticcoro i kom keno me lam.

¹⁴Ŋeye gire aber ni, en rik oya i kin ikwae a Juda, dok Muca rik pe okobo kopporo i kom atekere-nono ame mako olamdog.

¹⁵Kop-pi doŋ te nen oko kannaler akato ka alamdog ocele opello a calli Melkijadek,

¹⁶ame odoko alamdog, mom pi cikkoro ame lubo atekere, ento pi teko me kwo mere ame ginnoro pe romo tyeko.

¹⁷Pien cok a rik ocoo okobo ni, “Yin ibedo alamdog nakanaka, i kite a Melkijadek.”

¹⁸Cikkoro acon doŋ obolo oko, pien onwoŋo goro, dok konnyere mom,

¹⁹pien cik a Muca rik mom ocobo ginnoro kakare, ento aman doŋ okelo gennoro aber akato ame twero miyowa onoko ceggi baŋ Obaŋa.

²⁰Medo i mano daŋ, Obaŋa rik okwoŋo kwoŋ i kome. Jo ocele ca odoko olamdog aboŋo kwoŋŋoro,

²¹ento Yecu odoko alamdog pi kwoŋ Obaŋa ame rik okobbe ni, “Rwot okwoŋo kwoŋ oko, mom bino loko tammere, ‘Yin ibedo alamdog nakanaka.’ ”

²²Mano omio cikere ame Yecu ocuŋ pire obedo ber atek akato en ocele ca.

²³Apokapoka ocele daŋ dok tye. Olamdog ocele ca rik gin welgi bup, pien to onwoŋo oriye i nyimgi oko me medde kede tic,

²⁴ento Yecu perakino odoco i dog ticcere me alamdog, pien en bedo nakanaka.

²⁵Man omio kare luŋ en tye kede twer me laro jo ame bino baŋ Obaŋa kun obeo baŋe, pien en bedo kwo waŋ i waŋ me bako doge pirgi.

²⁶Alamdog adwoŋ acalo mano en ame romo cobo mitwa. En cil, ginnoro arac mom i yie, cilo me bal mom ogude. Obin opoke oko i kom obalo, otiŋe malo i wi polo.

²⁷En pe calo olamdog ocele ca, pien gin myero omi mot didik ame gin oŋolo pi bal megi kengi, eka dok ote ŋolo pi bal a lwak. Yecu otimo man tyen acel ame oromo meicel i kare ame omiye kene acalo gin ame oŋolo

²⁸Cik a Muca keto jo agoro me bedo olamdog, ento kop me kwoŋ ame okwoŋo icennere i ŋe cik oketo Wot Obaŋa ame doŋ ocwiny atwal.