Read lango 1 Petero 1 Bible Online

1 Petero 1 - lango bible

1 Petero 1

¹Waraga man oya i baŋ Petero, akwena a Yecu Kricito. Baŋ jo Obaŋa oket ata, ame gin obedo wele i Ponto, Galatia, Kapadokia, Acia kede Bitunia,

²ame Obaŋa Papo oyerogi pi yikkere ame en oŋeo con, ame Cunnyere Acil doŋ olonyogi odoko acil me gin owiny dog Yecu Kricito, dok me kirgi kede remo mere. Winyo kede kuc myero medde baŋwu.

³Myero opwo wunu Obaŋa, Papa a Rwotwa Yecu Kricito! Pien pi kica mere adwoŋ, omio onywalowa odoco me obed i gen akwo pi cer a Yecu Kricito iyi akina a jo oto,

⁴kede me wek onywak lim a mom top, a cilo mom ogudo, a mom ner ame okano pirwu i polo.

⁵Obaŋa tye agwokowu kede teko mere pi iyeewu, me ite nwoŋo wunu larre ame oyiko, ame bino nen i kare me agikki piny.

⁶Lel wunu pi man, kadi bed aman gwok onyo cunywu myero waŋ pi kare anonokkoro pi kite ame otye a omo kede yiwu i yore apapat,

⁷me nen iyeewu, ka ce iyee me ateni, Pien kadi jabu ame otemo kede mac mom perakino nakanaka, ento iyeewu pire dwoŋ kato jabu, dok daŋ bino kelliwu pak kede kwogo kede woro i kare ame Yecu Kricito bino nen iye.

⁸A mom ru inene wunu, doŋ imare wunu. Daŋ kadi bed mom inene wunu amanni, iye wunu en, kun ilelo wunu kede yomcuny adwoŋ a mom titte, a dok daŋ me kwogo.

⁹Pien iyeewu omio inwoŋo wunu larre me tipowu.

¹⁰Odwarpiny ame rik orabo pi winyo ame obino miyowu, rik oyenyo atek, kun opepenyo kop i kom larre man.

¹¹Gin rik omito ŋeyo ŋa, onyo kit kare mene, ame Cuny a Kricito i yigi tye a nyuto, i kare ame otito iye pi can ame Kricito bino kanyo, kede pi kwogo a dok bino lubo.

¹²Nwaŋ onyuttigi ni, kwena ame omiogi mom otiko gin ikomgi, cite wun. En kop ame aman doŋ jo ame orabo amut aber doŋ otyeko tittiwu, pi Cuny Acil ame ocwao, ame oya i polo; kop-pi daŋ omalaika oparo neno atek ateka.

¹³Pi mannono, bed a doŋ iyikere wunu i tamwu, kun igwokere wunu daŋ. Ket genwu luŋ i kom winyo ame abinniwu i kare ame Yecu Kricito bino nen iye.

¹⁴Acalo itino ame owiny, kur imi kwowu rwatte i mitwu a yam koŋ ibedo wunu kede, i kare a pwod ikwia wunu piny.

¹⁵Doŋ acalo ŋat olwoŋowu cil, wun daŋ bed wunu jo acil i kitewu luŋ;

¹⁶pien coc a yam ocoo kobo ni, “Bedo wunu jo acil, pien an daŋ acil.”

¹⁷Gat ame ilwoŋo wunu ni Papawu ŋolo kop i kom dano acel acel aboŋo leŋere, kun lubo tic ame ŋat acel acel otio; doŋ myero ibed wunu i Iworo i nyime pi kare luŋ ame pwod itye wunu wele kan.

¹⁸Wun iŋeo wunu ni, otyeko lakorowu oko i kite a kwarowu a tere mom, kun mom olakorowu i gin a balle oko, acalo bala ryal onyo jabu,

¹⁹cite olakorowu kede remo a Kricito me wel adwoŋ ame rorom kede atin romo ame balloro onyo roccoro mom i kome.

²⁰Obaŋa onwoŋo oyere con, amom ru ocibo acakki te lobo, cite ote nyute oko pirwu i kare man, ame en kare me agikki.

²¹Pire wun doŋ idoko wunu jo a geno Obaŋa ame ocero Yecu i akina a jo oto, te miye kwogo; en omio iyeewu kede genwu tye i kom Obaŋa.

²²Wun doŋ ilonyo wunu cunywu oko odoko acil pi lubo kop me ateni, me ibed wunu kede mar a mom iye goba acalo omego; pi mano myero imarre wunu kenwu kenwu atek ateka kede cunywu ducu.

²³Doŋ onywalowu oko odoco, mom kede koti aballe, cite kede koti a mom balle, pi twer me kop Obaŋa, en kop a tye kede kwo, ame perakino nakanaka;

²⁴pien rik ocoo ni, “Gin luŋ a tye kede kom cal i lum, kwogo mere ducu rom kede tur lum. Lum ner, ture te ony oko,

²⁵cite kop a Rwot okobo bedo nakanaka,” Koppono en amut aber a rik orabo baŋwu.