Read lango Oŋolkop 5 Bible Online

Oŋolkop 5 - lango bible

Oŋolkop 5

¹Debora gin kede Barak wot Abinoam rik te mwoco wer oko i nino-nono ni,

²“Otel mony otelo wi Icrael, jo omiye gigi kengi kengi; pwo wunu Rwot!

³“Winy wunu ba, wun obakki, ter wunu yitwu ba, wun oloc; an abino wer baŋ Rwot, abino mwoco wer i dwon amit baŋ Rwot Obaŋa a jo Icrael.

⁴“Rwot, i kare ame rik ibino i Ceir, i kare ame iya i lobo me Edom, lobo rik oyeŋere, kot daŋ ocwe i polo, ee ta, kot ocwe i pol.

⁵Kiddi luŋ oyeŋere i nyim Rwot Cinai i tuŋ ca daŋ oyeŋere i nyim Rwot Obaŋa me Icrael.

⁶“I kare a Cangar wot Anat, kede i kare a Yayeri, gudo oliŋ aboŋo jo awoto iye, jo dok lunyo ciro i yo atitino.

⁷Jo abedo i caro mom bino bedo tye iyi Icrael, tuno waŋ ame yin Debora ibino, yin ibino acalo toto iyi Icrael.

⁸I kare ame oyero obaŋe mogo anyen, aco lweny doŋ onwoŋo ceggi acega, Kwottoro onyo toŋŋoro rik onwoŋo nen ateni, i akina jo Icrael tutumia pyeraŋwen?

⁹Tamma te ŋwec i kom otel wi mony me Icrael, ame omiye gigi kengi kengi i akina jo Icrael. Pwo wunu Rwot.

¹⁰“Wer wunu koppere ba, wun jo ame bedo i wi kana arema, wun jo ame bedo i kom opar me wel, kede wun jo ame woto i dye yo.

¹¹Dwon ower i ka twomo pii gin otye ka pako kede loc a Rwot kuno, gin opako loc a jo obedo i caro i kom okworgi iyi Icrael. I nino-nono jo a Rwot omol oluŋere piny naka i dogcel me boma.

¹²“Debora wee, co oko, co oko! Co oko, co oko, me icak wer! Ya malo Barak me itel wi opiini ame iyako, ya malo yin wot Abinoam.

¹³I kare-nono, jo a ŋeye ame odoŋ te cako mol; jo a Rwot omol me wot lweny pire i kom jo atek.

¹⁴Jo Epraim oya te wot bedo i luŋ, kun olubo yori yin Benjamin kede watini; otel wi mony me Makir ociro owoto piny, omak abiro loc oya i megi i Jabulon.

¹⁵Oloc a jo Icakar obino karacel kede Debora, kede jo Icakar ame geno Barak, gin ogwarre i yore luŋ. Ento jo me atekere a Reuben, cunygi mom obedo yom iye.

¹⁶Piŋo kara rik ibedo iyi anok rommi, me winyo nyamulere ame okuto iyo rommi? jo me atekere a Reuben cunygi mom obedo ayom iye.

¹⁷Gilead rik odoŋ loka Jordan; kara piŋo Dan rik obedo mere i mel? Acer te bedo mere mot i dog nam, kun otworo toke i waŋ kwaŋŋere.

¹⁸Jabulon obedo lwak ame ojalo kwogi i to; Naputali daŋ amannono, i bar obedo tutur.

¹⁹“Obakki rik obino, ote lweny; obakki me Kanaan olwenyo, i Taanak, kede i ŋet pii me Megido mom ote nwoŋo ryalloro me ayaka.

²⁰Acer me polo daŋ olwenyo, gin olwenyo i kom Cicera, kun olubo kite a gin wirre kede.

²¹Kulo me Kicon ager-ri oterogi oko, i wi biamwonyi ager, Kicon ager-ri. Wot kede teko yin tipona!

²²“Ogweŋ tyen aguraguragio moro piny kun opye okirre malo, aguraguragi pye kirre malo.

²³“Amalaika a Rwot te kobo ni, ‘Cen Meroj oko, cen jo a bedo iye atek meicel, pien gin okwero riŋo i duru a Rwot me konyo Rwot i komjo atek.’

²⁴“Yayer i myero mi winyo adwoŋ meicel. Yayeri dako a Keber, ame obedo dano me Keni, kome i winyo a kato mon luŋ a bedo i kema.

²⁵Okwae pii, en olunyo miye cak, okele cak opoto i gwata moro me kwogo.

²⁶Ciŋe omako teke me guro kema, ciŋe tuŋcem te tiŋo anyul atic; te goyo wi Cicera tuco pel.

²⁷Oŋoye, te rette oko piny, obuto piny ilwe ka tyene, te ŋoye, rette piny i ka tyene, kan ame en oŋoye iye-nono te daŋ rette iye piny to oko.

²⁸“Dako oroo waŋe i waŋ dirica, tota a Cicera ociko waŋe kun neno i waŋ ot. Piŋo kara gadigadi mere oru meicel? Piŋo kara agruagura mere ogal meicel me mor bino?

²⁹Monnere adito, aryek i ŋete ogamo doge, en daŋ te nwoŋo pire kene ni,

³⁰‘Mom opoko jami ame oyako? dano acel acel tero nyako acel onyo aryo; boŋo ame ŋwaŋwara ame oyako pi Cicera, boŋo ame ŋwaŋwara, ame okekedo, boŋŋi aryo ame okekedo me abola i ŋuta acalo gin oyako.’

³¹“Ama Rwot, kono okworri luŋ otum kittono! Cite jo ame mari bed calo ceŋ ame pello i lyeto mere.” Lobo rik koŋ dok te we pi mwakki pyeraŋwen.