Read lango Nyut a Lakana 6 Bible Online

Nyut a Lakana 6 - lango bible

Nyut a Lakana 6

¹Icennere ate neno ka Atin romo oyabo kabedo acel ame omwono i kin abiro, ate daŋ winyo lee akwo acel i akina aŋwen ca kun kobo i dwon acalo mwoc a kot ni, “Biye!”

²Eka ate neno aguragura atar, ame ŋat a riŋo kede omako akud atero. Omie tok kwogo me loc, en te wot oko kun aloyo lweny, dok me ebed loyo.

³Ka oyabo kan omwono me aryo mere, ate doŋ winyo lee akwo me aryo kun kobo ni, “Biye!”

⁴Eka aguragura ocele te donnyo, ame irema atekateka, Ŋa a riŋo kede omio twer me kwanyo kuc i wi lobo oko, me jo nekere kengi kengi, dok daŋ omie twon pala romo adittere.

⁵Ka oyabo kan omwono me adekkere, ate winyo lee akwo me adek kun kobo ni, “Biye!” Eka ate neno aguragura acol, kun ŋat a riŋo kede omako mijan i ciŋe.

⁶Eka ate winyo dwonnoro ame opello iyi akina a leyi akwo aŋwen kun kobo ni, “Kal ŋano gwata dek acel pi ciliŋ acel, kal cayiri gwata dek adek pi ciliŋ acel, ento moo kede vino kur ibal!”

⁷Ka en oyabo kan omwono me aŋwennere, ate winyo dwon lee akwo me aŋwen kun kobo ni, “Biye!”

⁸Eka ate neno aguragura atatar, ame ŋat a riŋo kede nyiŋe To, kun Kadec lubo yore. Omiogi twer i kom dul lobo acel me aŋwen me neko jo i pala romo, kede i kec, kede too odeke, kede leyi ager me tim.

⁹Ka en oyabo kan omwono me abiccere, ate neno, i te keno me lam, tipo jo a rik oneko pi kop Obaŋa, kede pi caden ame rik gin omio.

¹⁰Gin te kok i dwon aloŋo ni, “Rwot Adwoŋ, Rwot acil kede me ateni, ibino tero kare a rom mene kun pe ru iŋolo kop dok iculo kwor me remowa i kom jo a bedo i lobo?”

¹¹Eka ote miyo baŋ ŋat acel acel i akinagi jor atar, dok ocikogi ni pwod koŋ dok owe mot pi kare anonok koro, ituno ka wel omiro wadgi ke omego ame obino neko bala gin ocobere kakare.

¹²Aneno ka oyabo kan omwono me abicellere, eka oyeŋo te yeŋere atek meicel, ceŋ te cido acol icuc bala boŋo cola, dwe luŋ daŋ te lokere doko bala remo.

¹³Acer me polo te rutte piny bala olam ame oony oko i yattere ka yamo atek oyeŋo.

¹⁴Polo daŋ te rwenyo oko bala papara ame odolo, anaka kiddi kede icula nam luŋ ote kobo oko i kakargi.

¹⁵Eka oloc me lobo, kede jo a pirgi dito, kede odoŋe me mony, olonyo kede wegi twer, kede jo luŋ aluŋa, opii kede jo a loye kengi, ote pono i gorogoro, kede i akina lela i wi kiddi,

¹⁶kun okobbi kiddi ni, “Rette wunu i komwa, me iwumwa oko i waŋ ŋat ame obedo i kom me loc, kede i akemo Atin romo;

¹⁷pien nino adit me akemogi doŋ otuno oko, ŋa kara a twero cuŋ iye?”